ایمرجنسی کسلخانه‌سی نینگ اعلام قیلیشیچه، بوگون توش‌دن آلدین کابل شهری شهزاده سرایی‌ده اویوشتیریلگن پارتلش نتیجه‌سیده، ۱ هلاک و ۵۹ یره‌لی کیشی اوشبو کسلخانه گه انتقال بیریلگن. ایمرجنسی کسلخانه‌سی توییتری‌ده یازیشیچه، ۳۳ دن آرتیق یره‌لی کیشی مذکور کسلخانه گه قبول قیلینگن.
بیزلرنینگ فیسبوک صحیفه‌میزگه باش اورینگ!
اسلامی امارت ایچکی ایشلر وزیرلیگی، کابل شهری شهزاده سرایی‌ده بوگون توش‌دن آلدین اویوشتیریلگن پارتلش عاقبتیده ۱۰ کیشی یره‌لنگنلیگینی اعلام قیلگن ایدی. اوشبو وزیرلیک بیانیه ترقه‌تیب ایتیشیچه، پارتلش؛ بیر اوغری پول اوغیرلش مقصدیده قول بمبی‌نی مذکور سرای ایچیده تشله‌گنیدن کیین یوز بیرگن.
بیزلرنینگ توییترده هم تعقیب قیلینگ!
بیانیه‌ده کیلیشیچه، بو توغریده تیکشیریش‌لر دوام ایتماقده و اسلامی امارت کوچلری حادثه عاملینی قول گه آلیش مقصدیده سعی-حرکت قیلماقده‌لر. شهزاده سرایی، افغانستانده اینگ ییریک پول بازاری سنه‌لیب و کابل شهری‌ده اینگ گوجوم مارکیت‌لردن بیری دیر. اوشبو مکان‌ده پارتلش یوز بیریشی سابقه‌سیز دیر.
