اوتگن کون (پنجشنبه، ۳۱ سنبله) سرپل ولایتی نینگ مرکزی «بهسود» قیشلاغیده محلی، امنیتی مسئوللر و فاریاب و سرپل دین عالملری نینگ حضوری بیلن بیر جامع مسجد نینگ تمل تاشی قوییلدی.
سرپل ولایتی ایکینچیلیک، سوغاریش و چارواچیلیک باشلیغی عبدالقادر وحدت، ولایت مقامی نمایندهلیگیدن سوز یوریتیب ایتیشیچه، اوشبو مسجد ایکی قوت (طبقه) و ۹۰۰ متر مربع ده زمانهوی و پخته شکلده قوریلهدی.
بیزلرنینگ فیسبوک صحیفهمیزگه باش اورینگ!
جناب وحدت گه کوره، مذکور مسجد نینگ قوریلیش خرجتی ۳۰ میلیون افغانی تخمین ایتیلگن که دولت و انسان پرور کیشیلر تامانیدن توللنیلهدی.
سرپل ایکینچیلیک، سوغاریش و چارواچیلیک باشلیغی، دینی تعلیم اوچون مسجد و مدرسهلرنی اونملی دیب، مذکور ولایت بویلب مسجد و مدرسهلر قوریلیشی اوستیگه تأکید ایتگن.
اوشبو مراسمده اشتراک ایتگن دین عالملری نینگ ایتیشلریچه، ییر اوستیده مدرسه و مسجدلر قوریلگن تقدیرده، الله مسلمانلرنی آفات و تورلی خیل عذابلردن محافظت قیلهدی.
بیزلرنینگ توییترده هم تعقیب قیلینگ!
مذکور مراسمده آقنیه بندری سوداگرلریدن بولمیش حاجی داوود نیازی گه کوره، اوشبو مسجد گه آقینه بندری سوداگرلر اتفاقی نمایندهلیگیدن بیر مقدار نقدی و غیر نقدی یاردم بیرگن.
