اسلامی امارت باش وزیری نینگ بیرینچی اورین‌باسری ملا عبدالغنی برادر، پنج‌شنبه کونی، ۱۸ حمل کان‌لر و پترولیم وزیرلیگی نینگ سرپرستی شهاب‌الدین دلاور حضوری‌ده، سرپل ولایتی قشقری نفت کانینی آچیش چاغی‌ده میدیالر گه ایتیشیچه، اوشبو نفت کان نینگ درآمدلری مرکزی بانککه توللنیلیب و کیین ایسه بوتون ولایت‌لرده ترقه له‌دی و سرپل ولایتی گه اوستون‌لیک بیریله‌دی.
بیزلرنینگ توییترده هم تعقیب قیلینگ!
اسلامی امارت باش وزیری نینگ بیرینچی اورین‌باسری گه کوره، نفت‌نی قازیب چیقریش جریانی هیج بیر مملکت بیلن قرارداد بولمه‌گن و قازیب چیقریش مسئولیتی حاضر اسلامی امارت زمه‌سیگه دیر.جناب برادر نینگ کوپه‌یتیریشیچه، افغانستان کانلری قازیب چیقریلگن تقدیرده مملکت آبادانچیلیگی و ترقیاتی گه سبب بولیب و کتته درآمد قولگه کیله‌دی. او کونیده ۲۰۰ تُن نفت سرپل قشقری کانیدن قازیب چیقریلیشینی معلوم قیله‌دی.
عین‌حالده، سرپل یشاوچیلری اوشبو ولایت نینگ قشقری نفت کانی قازیب چیقریلیش ایشی آچیلیشیدن خورسندلیک قیلیب ایتیشلریچه، اوشبو کان درآمدی ولایت‌لر اینیقسه سرپل ولایتی نینگ ترقیاتی و آبادانچیلیگی اوچون صرفله‌نیشینی سوره‌یدیلر.
بیزلرنینگ فیسبوک صحیفه‌میزگه باش اورینگ!
سرپل یشاوچیلریدن امان‌الله نینگ ایتیشیچه، قشقری نفت کانینی قازیب چیقریش اوچون یخشی قرار قیلینگن و یخشی درآمد دولت خزینه‌سیده توللنیله‌دی. سرپل اهالیسی نفت قازیب چیقریلیشی عوضی‌ده، اسلامی امارت‌دن برابر ترقیات گه زمینه یره‌تیب و درآمدی برچه ولایت‌لر نینگ آبادانچیلیگی و ترقیاتی اوچون صرفله‌نیشینی سوره‌یدیلر.
