سمنگان امنیه قوماندانلیگی مسئوللری نینگ تصدیق قیلیشلریچه، ۷۳۰ گه یقین کیشی سونگی سکیز آی‌ده اوشبو ولایت‌ده جنایی جرم‌لر عیبی بیلن قولگه آلینگن.
سمنگان امنیه قوماندانلیگی نینگ جنایی جرم‌لر گه قرشی کوره‌ش مدیری محمدعارف مطیع‌الله نینگ ایتیشیچه، مذکور قوماندانلیک نینگ جنایی جرم‌لر گه قرشی کوره‌ش مدیریت ایشلاوچیلری، بیرینچی خوفسیزلیک حوزه آمریتی و اوشبو ولایت امنیه قوماندانلیگی نینگ باشقه بولیم‌لری همکارلیگی بیلن، سونگی سکیز آی‌ده ۷۲۷ کیشی نی تورلی جنایی عیب‌لر گه تیگیشلی قولگه آلگنلر.
بیزلرنینگ فیسبوک صحیفه‌میزگه باش اورینگ!
سمنگان امنیه قوماندانلیگی نینگ جنایی جرم‌لر گه قرشی کوره‌ش مدیری گه کوره، مذکور کیشیلر نی اوشبو ولایت مرکزی ایبک شهری و تومن‌لریدن قولگه آلگنلر.
محمدعارف مطیع‌الله، سمنگان ده امنیت تأمین‌لنیشی خصوصیده ایشانچ بیریب و اورغولشیچه، جنایی جرم‌لر میزانی کمه‌یشی و امنیت تأمین‌لنیشی خصوصیده، خوفسیزلیک کوچلری کیچه و کوندوز سعی و حرکت قیله‌دیلر.
