اوشبو ییل ۱۸ ثور ده سلام‌وطندار، ترینکوت شهری حدودلریده «چوک تریاک» منطقه‌سی، ارزگان ولایتی مقامی نینگ ۵۰ کیلومترلیگیده، بنگی‌وار ماده‌لری ساتیب آلینیش بازاری خصوصیده گزارش ترقه‌تیشیدن کیین، حاضر مذکور ولایت محلی مسئول‌لری اوشبو مرکز یاپیلیشیدن خبر بیرگنلر.
ارزگان امنیه قوماندان‌لیگی نینگ سوزلاوچیسی آغاولی قریشی نینگ سلام‌وطندار گه ایتیشیچه، بوگون شنبه، ۳۱ ثور)، «چوک تریاک» ده کیمسه بنگی‌وار ماده‌لری معامله‌سینی قیلمه‌گن.
بیزلرنینگ فیسبوک صحیفه‌میزگه باش اورینگ!
ارزگان امنیه قوماندان‌لیگی سوزلاوچیسی نینگ کوپه‌یتیریشیچه، مذکور مرکزنی بوگون باغله‌گنلر. بوندن بویان اوشبو مکان ده بنگی‌وار ماده‌لری معامله‌سینی قیله دیگنلر قولگه آلینیب و قانون_قاعده‌لر اساسیده جزالنتیریله‌دی.
بیراق چوک تریاک ده بنگی‌وار ماده‌لرینی ساتیب آلیش‌لری بیلن مصروف کیشی‌لردن قطاری نینگ سلام‌وطندار گه ایتیشلریچه، اوشبو چوک باغله‌نیشی بیلن ایشلرینی شهردن تشقری انتقال بیرگنلر و «نچین» و «ماشیناو» منطقه‌لریده ایشلری گه دوام بیرماقده‌لر.
عین‌حالده، ارزگان یشاوچیلری نینگ ایتیشلریچه، بنگی‌وار ماده‌لری خرید و فروشی تازه باشلنگن منطقه‌لر شهر گه یقین دیر. اولر اسلامی امارت‌دن بنگی‌وار ماده‌لری ساتیب آلینیشی منع بولگن تقدیرده، شهردن تشقری ده هم آلدی آلینیشینی طلب قیله‌دیلر.
ارزگان امنیه قوماندان‌لیگی سوزلاوچیسی گه کوره، شهردن تشقری بنگی‌وار ماده‌لری خرید و فروشی باره‌سیده اولر گه حاضرگچه کیمسه شکایت قیلمه‌گن، اولر گه گزارش بیریلگن حالده، فرمان اساسیده عمل قیله‌دیلر.
بیزلرنینگ توییترده هم تعقیب قیلینگ!
عین‌حالده، مملکت بویلب بنگی‌وار ماده‌لری و نشه‌لی هر قنده‌ی ماده ایکیلیشی منع بولیشی‌گه عاید اسلامی امارت رهبری نینگ فرمانی دن کیین، تریاک نرخی مثل‌سیز درجه ده آشگن.
منبع‌لر نینگ معلومات‌لری اساسیده، بوگون شنبه، مملکت جنوبی ولایت‌لریده بنگی‌وار ماده‌لری خرید و فروش بازاری ده تریاک ۱۹ مینگ افغانی ساتیلگن.
