سالنگ قتناو یولی کوچلی قار و بوران طفیلی تورت کون ترافیک یوزیگه یاپیق قالگنی‌دن کیین، بوگون (دوشنبه، ۱۴-حوت)، ساعت ۱۰:۰۰ اطرافیده، یولاوچی تاشووچی موترلر یوزیگه آچیلگن.
فواید عامه وزیرلیگی سوزلاوچیسی محمداشرف حق‌شناش اوشبو خبرنی تصدیقلب سلام‌وطندار گه ایتیشیچه، سالنگ قتناو یولی نینگ تورلی ساحه‌لریده قار بلندلیگی حتا اوچ متر گه ییتیب و حاضرگچه ۲۹ قار کوچیشی یوز بیرگنی بیرحالده، بیراق یشاوچیلر نینگ قیینچیلیگی باعث اوشبو قتناو یول یالغیز یولاوچی تاشووچی موترلر اوچون بوگون توش‌دن آلدین ساعت ۱۰:۰۰ اطرافیده آچیلگن.
بیزلرنینگ فیسبوک صحیفه‌میزگه باش اورینگ!
حق‌شناس نینگ اورغولشیچه، سالنگ‌لردن حفظ و مراقبت قیلیش ریاستی ایشلاوچیلری آرقه‌لی مذکور قتناو یول نینگ تازه‌لنیشی جدی شکلده دوام قیلیب و بوگون جریانیده نقلیه واسطه‌لر یوزیگه ینه هم اوتیب-قیتیش یول آچیلیشی ممکن.
شونده‌‌ی بیرحالده، سالنگ‌لرنی حفظ و مراقبت قیلیش اداره باشلیغی عبدالحلیم آغا نینگ ایتیشیچه، یولاوچیلر حوصله‌‌لی بولیب و اوشبو یول‌دن اوتیش چاغیده، ایسیق کییم کییش‌لری گه علاوه، نیاز بولگن ساحه‌لرده نقلیه واسطه‌لری اوچون زنجیر (چین) یانلریده بولیشی و شونینگدیک حادثه یوز بیرمسلیگی اوچون ترافیکی قاعده-قانون نینگ رعایت قیلیشلری کیره‌‌ک.
