فواید عامه وزیرلیگی مسئوللری گه کوره، شمالی و جنوبی سالنگ ۱۲ ساعت دن سونگ ترافیک یوزی گه قیته آچیلگن. اوشبو یول اوتگن کون شام پیتی کوچلی بوران و قار یاغیشی طفیلی یاپیلگن ایدی.
بیزلرنینگ فیسبوک صحیفه‌میزگه باش اورینگ!
فواید عامه وزیرلیگی سوزلاوچیسی محمداشرف حق‌شناس نینگ سلام‌وطندار گه ایتیشیچه، سالنگ قتناو یولی اوتگن کون شام چاغی ساعت ۵:۵۰ اطرافی ده، ترافیک یوزی گه یاپیلگندی و بوگون (پنجشنبه، ۱۲-دلو)، ایرته‌لب ساعت ۶:۰۰ اطرافی ده قیته آچیلگن.
عین‌حالده، سالنگ قتناو یولی نینگ حفظ و مراقبت قیلیش باشلیغی عبدالحلیم آغا گه کوره، اوتگن کیچه کیچیک و باشقه بیر یوک تاشووچی موتر نینگ سالنگ دریاسی گه قولشی عاقبتیده ایکی کیشی جان بیرگنلر.
بیزلرنینگ «ایکس» ترماغی ده هم تعقیب قیلینگ!
سالنگ قتناو یولی نینگ حفظ و مراقبت قیلیش اداره‌سی برچه هیداوچیلر دن، اوزلری بیلن زنجیرلری بولیب تونل و گالری ایچیده زنجیر باغلش منع دیر و باشقه نیاز بولگن جای‌لرده زنجیر باغلش‌لرینی ایسته‌گن. او نینگ کوپه‌یتیریشیچه، یوک تاشووچی موترلر گه یالغیز بوگون جنوب دن شمال گه قتنش اجازه‌سی بیریلگن.
