اجتماعی ترماق‌لر یولی آرقه‌لی آزار و اذیت بولگن ۱۷ عیال، سلام‌وطندار بیلن اوتکزگنلری صحبت‌لریده ایتیشلریچه، نیچه مرته اهالی تامانیدن اجتماعی ترماق‌لرده آزار و اذیت بولیب و مجازی دنیاده امنیت‌لری نی قولدن بیرگنلر.
اوشبو گزارش‌ده صحبت قیلینگن ۱۷ عیال‌دن، سکیز ته‌سی نینگ ایتیشیچه، اجتماعی ترماق‌لرده آزار و اذیت بولیش، اولر نینگ شخصی حیات‌لری گه جدی تاثیر قوییب و اولر نینگ اجتماعی موقفی گه زیان ییتیشتیرگن.
مذکور عیاللر نینگ کوپه‌یتیریشلریچه، آزار و اذیت بیلن روپه‌ره بولیب و امنیت‌لری یوقلیگی سبب، اجتماعی ترماق‌لرده اصلی هویت بیلن فعالیت قیلمه‌ی و اوز صورت‌لریدن قوللنمه‌یدیلر.
مذکور گزارش‌ده صحبت اوتکزگن ۱۷ عیال‌دن بیش ته‌سی نینگ حسابی، سایبری هجومی آستیده قرار تاپیب و اولردن باشقه اون ته‌سی گه ایسه مزاحم‌لر پیغام و قونقیراق قیلگن.
صحبت اوتکزگنلردن ایکی ته‌سی نینگ ایتیشیچه، اجتماعی ترماق‌لرده صورت‌لری نی قویگنلریدن کیین، حرمت‌سیزلیک موردی آستیده قرار تاپگنلر.
شونینگدیک مذکور گزارش‌ده صحبت اوتکزگن عیال‌لردن ۱۴ ته‌سی، ناتانیش کیشی‌لر و باشقه اوچ ته‌سی ایسه بیللی هویت آرقه‌لی، آزار و اذیت یا-ده سایبری هجوم آستیده قرار تاپگن.
ایکی یریم ییل‌دن بیری اجتماعی ترماق‌لردن قوللنه‌دیگن زینب نینگ ایتیشیچه، اوچ آی آلدین ناتانیش کیشی‌لر آرقه‌لی حسابی هجوم آستیده قرار تاپیب و صورتی بیراز تغییر بیلن، اجتماعی ترماق‌لرده ترقه‌تیلگن. اونینگ کوپه‌یتیریشیچه: «سایت‌لرینگیز نی هک قیلیش نی ایسته‌یدیلر؛ سایت‌لرینگیز نی هک قیله‌دیلر. مینی سایتیم نی هک قیلیب و کیرگن ایدیلر؛ عایله‌م جوده‌یم غضب‌لندی و کوپ مینی باسیم آستیده قرار بیردی.»
بیزلرنینگ «ایکس» ترماغی ده هم تعقیب قیلینگ!
زینب نینگ کوپه‌یتیریشیچه، سایتی هک بولیب و اجتماعی ترماق‌لرده صورتی ترقه‌تیلگنی‌دن کیین، عایله‌سی، دوست‌لری و یقین‌داشلری آرقه‌لی کنایه ایشیتیب و بو موضوع حاضر ایسه اونی قتیق افسرده‌لیککه روپه‌ره قیلگن. «بو موضوع شونچه هم تاثیر قویگن که اوی‌دن چیقیش‌دن هم قورقه‌من؛ اوی‌دن چیقگنیم پیت، قوشیلریمیز فقط که مین جوده‌یم یامان ایش قیلگن بولسم، مین گه قره‌یدیلر. یقین‌داشلریمیز نینگ اویی گه بارگنیم پیتده، اوزلری آره‌سیده گپ‌لشر ایدیلر و مین بیلیدیم که مینی حقیم‌ده گپ‌لشر ایدیلر. نیچه پیت اصلا موبایل نی قولیم گه آلماق ایستمه‌س ایدیم؛ افسرده بولگن ایدیم.»
شونینگدیک کابل یشاوچیلریدن حسنا محمدی نینگ ایتیشیچه، ایکی هفته آلدین تیل اورگه‌نیش اوچون برنامه‌‌لردن بیریده آنلاین شکلده آتی نی یازیش ایسته‌گنی پیت، لینک‌نی باسگنی‌دن سونگ فیسبوک حسابی هجوم آستیده قرار تاپگن.
حسنا نینگ کوپه‌یتیریشیچه، هکر فیسبوک حسابی نی قیته بیریش اوچون تورلی ایسته‌کلر قیلگن. اونگه کوره: «لینک ایچیگه کیرگنیم‌دن کیین، بیر کیشی سینی فیسبوکینگ گه کیرماق ایسته‌یدی دیب بیر پیغام کیلدی، مین تعجب قیلیدیم؛ ایرتنگ اویانگنیم‌دم کیین کوردیم که فیسبوکیم آچیلمه‌دی، هر قنچه پسوردیم نی اوردیم، فیسبوکیم آچیلمه‌دی؛ اولر فیسبوکینگ اورنیده، بیر صفحه یا پیج نی بیر که تعقیب قیلووچیلری کوپ بولسین دیدیلر.»
مذکور عیاللر نینگ ایتیشلریچه، عیاللر نینگ آزار بیریش، جنسی قشاق‌لیک و اجتماعی ترماق‌لردن قوللنیش فرهنگی یوقلیگی، اجتماعی ترماق‌لرده اولر نینگ آزار و اذیت بولیشی گه سبب بولگن عامل‌لردن دیر.
مجازی فضاده دایم آزار و اذیت بولگن عیال‌لردن باشقه بیری حمیرا نینگ ایتیشیچه: «نیچه کون آلدیم بیر کیشی آرقه‌لی تهدید بولدیم که فیسبوک‌دن مینگه پیغام قویگن ایدیلر؛ قویگن پستیم اوچون مینی توهین و تحقیر قیلدیلر. بو مورد‌لر اوچون آزار و اذیت بولگنیمیز پیتده، باشقه پست قیلمه‌یمیز، اونینگ حقیده صحبت قیلمه‌یمیز یا-ده مجازی دنیا ده باشقه آنلاین بوله آلمسلیگیمیز گه سبب بوله‌دی.»
بو گزارش‌ده صحبت اوتکزیلگن عیال‌لردن کوپینچه‌سی نینگ ایتیشیچه، آزار و اذیت بولگنلری و اولر نینگ خصوصی حریم‌لری گه باشقه‌لر نینگ کیرگنیدن کیین، حساب‌لری اوچون مستعار اسم و صورت‌دن قوللنیش یا-ده حساب‌لرینی اوچیریش گه مجبور بولگنلر.
کابل یشاوچیلری بیری دینا فضلی نینگ ایتیشیچه، نیچه آی آلدین اونینگ حقیده مکمل معلومات گه ایگه بولگن بیر کیشی آرقه‌لی، نیچه مرته تورلی شماره‌لردن آزار و اذیت آستیده قرار تاپگن و بو ایش سبب، اوز شماره‌سی نینگ تبدیل قیلگن؛ بیراق شماره‌سی نینگ تبدیل قیلیش هم نتیجه بیرمه‌ی و اجتماعی صحیفه‌لریدن کوپینچه‌سی نینگ اوچیریش گه مجبور بولگن.
اونینگ کوپه‌یتیریشیچه: «وتسپ‌دن باشقه برچه اجتماعی ترماق‌لر نی اوچیردیم، اوچیرگنیم نینگ سببی ایسه آزار و اذیت ایدی. سونگی کون‌لر تورلی شماره‌لردن تورلی پیغام‌لر کیله‌ر ایدی که شماره‌لردن برچه‌سی بیر کیشی گه تیگیشلی ایدی. او مینی تانیدی، بیراق مین اونینگ کیم بولگنی نی بیلمس ایدیم.»
شونینگدیک باشقه اون عیال کبی حکایه‌سی بولگن مدینه حبیبی نینگ ایتیشیچه، اجتماعی ترماق‌لرده اوز اسمی گه فعالیت قیلیش نی ایسته‌یدی؛ لیکن آزار و اذیت سبب، مجازی دنیاده مستعار اسم بیلن فعالیت قیلیش گه مجبور بولگن.
حبیبی نینگ کوپه‌یتیریشیچه: «مین اصلی آتیم‌دن قوللنه آلمه‌یمن؛ دایم باشقه بیر آت‌دن قوللنه‌من؛ کوپ آزار و اذیت آستیده قرار تاپدیم، حتا مسنجردن اخطار بیردیلر، اجتماعی ترماق‌لرده فعال بوله آلمه‌یمیز. بو بیزیم زیریکتیره‌دی.»
مذکور عیاللر نینگ ایتیشلریچه، اجتماعی ترماق‌لر یولی آرقه‌لی آزار و اذیت بولیش یامان اجتماعی و عایله‌وی عاقبت‌لر گه سبب بوله‌دی که، کوپینچه مورد‌لرده عایله‌لر ایشانچی نی اورته‌دن کیتیشی، قوشمه حیات بوزیلیشی، عیاللر نینگ کیلتک‌لنیشی و حتا اوزی نی اولدیریش گه سبب بوله‌دی.
اجتماعی ترماق‌لر یولی آرقه‌لی اذیت بولگن تمنا اندرابی نینگ ایتیشیچه: «قیزلردن قطاری نینگ صحیفه‌لری هک بولگنی و صورت‌لری فیک آی‌دی بیلن ترقه‌لگنی سبب، کلتک‌لنیب و موضوع‌لری حتا اولیم و اوزینی اولدیریش‌گچه هم بارگن.»
شونده‌ی بیرحالده، اجتماعی ترماق‌لر یولی آرقه‌لی آزار و اذیت نینگ سلبی عاقبت‌لری خصوصیده خاطره فیضی نینگ ایتیشیچه: «بو آزار و اذیت بیر عیال نینگ حیثیتی گه یامان تاثیر قویه‌دی، عایله‌لر نینگ قیز و عیال‌لری برابریده ایشانچلری یکمه‌یشی یا-ده اورته‌دن کیشی گه سبب بوله‌دی که بو اوزی عایله‌وی قیین‌‌چیلیک‌لر نی اورته گه کیلتیره‌دی.»
باشقه بیرتاماندن، عیال حقوقی فعال‌لریدن قطاری نینگ ایتیشلریچه، اجتماعی ترماق‌لر مدیریتی خصوصیده مسئول نهاد‌لر آرقه‌لی کنترول یوقلیگی، مجازی دنیاده عیاللر نینگ آزار و اذیت بولیشی کوپه‌یشی گه سبب بولگن.
بیزلرنینگ فیسبوک صحیفه‌میزگه باش اورینگ!
عیاللر حقوقی فعالی یلدا عزیزی نینگ ایتیشیچه: «حاضرگی شرایط‌ده بو رقم آزار و اذیت کوپه‌یگن؛ قیزلردن کوپینچه‌سی اوزینی اولدیرگن چونکه عایله‌لری اولر برابریده شک قیلگن یا-ده اولر نینگ صورت‌لری اجتماعی ترماق‌لرده ترقه‌تیلگن.»
لیکن معلوماتی تکنالوژی و مخابرات وزیرلیگی مسئوللری نینگ ایتیشلریچه، توزوم اوزگرگنی‌دن کیین، اجتماعی ترماق‌لر رابطه‌سی افغانستان بیلن کیسیلگن و اولر مذکور ترماق‌لر نی کنترول قیله آلمه‌یدیلر.
معلوماتی تکنالوژی و مخابرات وزیرلیگی سوزلاوچیسی عنایت‌الله الکوزی نینگ ایتیشیچه: «افغانستان ده اسلام امیرلیگی قدرت گه ایریشگنی‌دن کیین، اجتماعی ترماق‌لر افغانستان بیلن هیچ قنده‌ی همکارلیک قیلمه‌یدی و اوتمیش‌ده نماینده‌لری بار ایدی بیراق قیغو بیلن حاضر نماینده‌لری هم یوق که موضوع نی اولر بیلن شریک قیلسک.»
معلومات و مدنیت وزیرلیگی سوزلاوچیسی حیات‌الله مهاجر فراهی نینگ ایتیشیچه، حاضرگچه اوشبو وزیرلیک‌ده اجتماعی ترماق‌لر آرقه‌لی آزار و اذیت خصوصیده هیچ کیم شکایت ثبت قیلمه‌گن.
اونینگ کوپه‌یتیریشیچه: «حاضرگچه معلومات و مدنیت وزیرلیگی گه هیچ کیم قونقیراغ قیلمه‌گن و شکایت هم قیلمه‌گن؛ بو بولیم‌ه تورلی اداره‌لر بار. امر بالمعروف و نهی عن‌المنکر وزیرلیگی‌ده شکایت بولیمی بار که بو موضوع گه تیگیشلی شکایتی بولگن کیشی، اوز شکایتی نی ثبت قیله آله‌دی.»
دنیا مملکت‌لریدن کوپ قطاری‌ده، آنلاین دنیا‌سی انسان‌لر اوچون تحصیل، ایش، درآمد قولگه کیلتیریش و کوپینچه شهرت یولی گه اوزگرگنی بیرحالده، بیراق افغانستان ده مجازی دنیا آرقه‌لی قیزلر و عیاللر آزار و اذیت بیلن روپه‌ره بوله‌دی.
