نوار غزهنینگ تورلی منطقهلریگه اسرائیل اردوسی آرقهلی اویوشتیریلگن اینگ ینگی هجوملرده، کمیده ۱۹ فلسطینلیک قربان بولیب و بیر قطار کیشی یرهلنگن.
الجزیره خبری ترماغینینگ بوگون (۱۲-اسد/۳-اگست، دوشنبه)، گزارش بیریشیچه، اوشبو هجوملر سونگی هفتهلرده اسرائیلنینگ اینگ اولیملی هجوملریدن حسابلنهدی.
گزارش اساسیده، اسرائیل اردوسی غزه شهری شمالی، غربی و مرکزی منطقهلری و شونینگدیک خانیونس شهری شمالغربینی بمباردمان قیلگن.
اوشبو هجوملر دوامیده، دیرالبلح ده شهدای الاقصی کسلخانهسیگه تیگیشلی دارولر انبارلری نشانگه آلینگن.
غزه ده ساغلیقنی سقلش رسمیلری معلوماتی اساسیده، قطر، مصر و امریکا واسطهچیلیگی بیلن ۲۰۲۵-ییل اکتبر آییده آتیش کیسین برقرار بولگنیدن بویان، کمیده بیر مینگ ۲۲۲ فلسطینلیک اولیب و تورت مینگ ۵۳ کیشی یرهلنگن.
