بدخشان ده توبرکلوز یا-ده سل کسل‌لرینی دارولش بولیم مسئوللری نینگ ایتیش‌لریچه، کرونا ویروسی مذکور کسل‌لر داروله‌نیش پروسه‌سینی قیینچلیک بیلن روپه‌رو قیلگن.
اولرنینگ ایتیش‌لریچه، کرونا ویروسی دن آلدین سل کسللیگی گه چلینگنلرنینگ داروله‌نیشی ۹۴ فایز یوتوققه ایریشیب و هر ییل کوپینچه کیشی‌لر دارولنه‌دی ایکن، بیراق حاضر کرونا ویروسی سل کسل‌لری نینگ داروله‌نیشی اوستیگه سلبی تأثیر قویگن.
فیض‌آباد ولایتی کسلخانه‌سیده توبرکلوز بولیمی مسئولی دکتر قطب‌الدین برومند نینگ ایتیشیچه، قویاش جاری ییل ده سل کسللیگی گه چلینگن بیر مینگ و ۵۰ کسل مذکور ولایت مرکزی و تومن‌لریده انیق‌لنگن، بیراق اولردن یالغیز ۱۵۰ ته‌سی درمان آستیده آلینگن.
جناب برومند نینگ ایتیشیچه، کرونا ویروسی باعث یره‌تیلگن چیکلاولر و توبرکلوز کسل‌لری نینگ نشانه‌لری کرونا ویروسی نینگ نشانه‌لریگه اوخشه‌گنی باعث توبرکلوز کسل‌لری نینگ تانیلیشی نی قیینچلیککه دوچ قیلگن.
بدخشان ده برهان‌الدین ربانی کسلخانه‌سی نینگ توبرکلوز بولیمی مسئوللری نینگ ایتیش‌لریچه، اوشبو ولایتده سل کسللیگی گه چلینگنلردن ۵۷ فایزی عیاللر و ۴۳ فایزی ایسه ایرککلر دیر.
بدخشان ده قشاقلیک میزانی یوقاری بولگنی و ییگولیک ماده‌لر امکانیتی بولمه‌گنی باعث سل کسللیگی کوپ دیر و اوتگن ییل‌لرده بو کسل‌لیککه چلینگن مینگ‌لرچه کیشی دارولنگن.
