امنیتی منبعلرنینگ ایتیش‌لریچه، بدخشان چیگره کوچلریدن ۴ ته‌سی مذکور ولایت نینگ بهارک تومنیدن اشکاشم تومنی تامان باره‌دیگن پیتده «آغرده» کوتلی‌ده هوا ساووقلیگی باعث جان بیرگن.
بدخشان پولیس سوزلاوچیسی ثناءالله روحانی نینگ ایتیشیچه، مذکور حربیلر چیگره کوچلرنینگ ۴- کندکی گه تیگیشلی بولیب و شونینگدیک زیباک تومنیده ایش قیله‌دی ایکنلر. روحانی گه کوره، اولر تعطیل اوچون جرم و بهارک تومنیده بارگن ایکنلر کیم قیته‌دن وظیفه‌لری تامان باره‌دیگن پیتده، بوران و هوا ساووقلیگی باعث یولده جان بیریشگن.
محلی منبعلرنینگ ایتیش‌لریچه، اوشبو عسکرلر یول‌نی یوقاتیب، بوران ده بند قالگن.
روحانی گه کوره، مذکور عسکرلر جمعه کونیدن بویان بو منطقه‌ده یوقالگن ایکن و بوگون شهدا تومن نینگ اهالیسی و امنیتی کوچلر اولرنینگ جسدلرینی «آغرده» کوتلی‌دن تاپگن.
اونینگ کوپه‌یتیریشیچه، بو عسکرلرنینگ جسدلری قار نی آستیده قالگن ایکن و کوپ قیینچیلیک بیلن اولرنینگ جسدلرینی تاپگنلر.
ایکی کون آلدین، بدخشان لاجورد کان قوروقچی‌لری نینگ قومندانی بدخشان و پنجشیر ولایت نینگ چیگره‌سیده‌گی انجمن کوتلی‌ده هوا ساووقلیگی باعث، جان بیرگن ایدی.
