قندهار یشاوچیلریدن قطاری، اوشبو ولایتده قورغاقچیلیک و سوو کمه‌یشیدن خواطر بیلدیریب ایتیشلریچه، بو مسئله اهالی نی تورلی خیل قیینچیلیکلر بیلن روپه‌ره قیلگن.
اولر نینگ ایتیشلریچه، سونگی کونلرده ییچیم‌لیک سوو تنقیص‌لیگی باعث اهالی ایریم قیینچیلیکلر گه روپه‌ره بولگن، حتا قطار عایله‌لر سوونی پول گه ساتیب آله‌دیلر.
عین‌حالده، سوو ضایع بولیشینی آلدینی آلیش مقصدیده اسلامی امارت رهبری نینگ بویروغی بیلن، مذکور ولایت نینگ شاه‌ولی کوت و سپین بولدک تومن‌لریده ۳ سوو توغانی قوریله‌دی.
بیزلرنینگ فیسبوک صحیفه‌میزگه باش اورینگ!
مسئوللر گه کوره، اوشبو سوو توغان‌لری قوریلیشی و سوولر ذخیره بولیشی بیلن، دهقان‌لر نینگ قیینچیلیکلری کوزگه کورینرلی درجه ده کمه‌یشی ممکن.
قندهار ایکینچیلیک، چاروه‌چیلیک و سوغاریش باشلیغی محمود مظلوم نینگ سلام‌وطندار گه ایتیشیچه، باشقه سوو توغان‌لری قوریلیشی اوچون تلاش قیلماقده‌لر.
اونینگ کوپه‌یتیریشیچه، مذکور سوو توغان‌لری سوولر ضایع بولمسلیگی مقصدیده، ۱۰۰ میلیون افغانی خرجت بیلن قوریله‌دی.
سپین بولدک و شاه‌ولی کوت تومن‌لری سووتوغانی قوریلیش پروژه باشلیغی عبدالخالق نینگ ایتیشیچه، اوشبو توغان‌لر نینگ قوریلیش ایشی ۸۰ فایز یکونلنگن.
قندهار یشاوچیلریدن قطاری گه کوره، مذکور سوو توغان‌لری قوریلیشی بیلن، قورغاقچیلیک تاثیری کمه‌یشیگه قوشیمچه، اهالی گه ایش فرصتی یره‌تیله‌دی.
بیزلرنینگ توییترده هم تعقیب قیلینگ!
اولر، قورغاقچیلیک تأثیرینی کمه‌یتیریش مقصدیده باشقه سوو توغان‌لری قوریلیشینی طلب قیله‌دیلر.
قندهار ده یامغیر سوولری هدر کیتیشی باعث، اوشبو ولایت یشاوچیلری هر ییلی قورغاقچیلیک قیینچیلیگی بیلن روپه‌ره بوله‌دیلر.
شو بیلن بیرگه مسئوللر نینگ ایتیشلریچه، بویوک و کیچیک سوو توغان‌لری قوریلیشی بیلن، زراعت اوچون یامغیر سوولری ذخیره ایتیله‌دی.
عین‌حالده، قندهار گه قوشیمچه باشقه ولایت‌لر نینگ یشاوچیلری هم، سوو کمه‌یشی خصوصیده خواطر بیلدیرماقده‌لر.