قندهار ده صناعتچی عیال‌لردن قطاری، اوشبو ولایت نینگ صناعت و سوداگرلیک ریاستی تامانیدن فعالیت جوازلری تمدید بولمه‌یشیدن شکایت قیله‌دیلر.
مذکور صناعتچی عیال‌لردن قطاری نینگ سلام‌وطندار گه ایتیش‌لریچه، مذکور ولایت‌ده صناعتچی عیال‌لردن قطاری نینگ فعالیت جوازینی وقتی یکولنگن؛ بیراق قندهار سوداگرلیک و صناعت ریاست مسئوللری جوازلرینی تمدید قیلمه‌یدیلر.
اولر گه کوره، سونگی آی‌لرده اوشبو ولایت‌ده صناعت فعالیت‌لری کم‌رنگ بولیب و قولش خطری بیلن روپه‌ره دیر.
بیزلرنینگ فیسبوک صحیفه‌میزگه باش اورینگ!
قندهار سوداگرلیک اتاق‌لر عضوی ساقی‌جان نینگ ایتیشیچه، صناعتچی عیاللر نینگ فعالیت جوازی تمدید بولمه‌گنی سبب، اوشبو ولایت‌ده اونلرچه عیال ایش‌سیز بولگن. اونینگ کوپه‌یتیریشیچه: «اوتمیش‌ده بیزلر نینگ موسسه‌لر گه معرفی قیلیش‌لری یانیده، شونینگدیک سوداگرلیک بولیمی‌ده هم بیزلر بیلن همکارلیک بولر ایدی؛ بیراق حاضر ایسه بو رقم ایمس و فعالیت جواز‌ی‌میز هم تمدید بولمه‌گن.»
جمهوریت توزومی‌ده قندهار نینگ عینو‌مینه منطقه‌سیده عیاللر نینگ مخصوص بازاریده، چادر و یقه‌دوزلیک فروشگاه‌ده ایشله‌یدیگن زرمینه نینگ ایتیشیچه، اوشبو بازارده ایش گه مشغول ایکن؛ بیراق اسلامی امارت قدرت گه ایریشگنیدن کیین، مذکور بازار یاپیلیب و اوشبو بازارده ایش گه مشغول بولگن عیاللر هم ایش‌سیز بولگنلر.
اوشبو گزارش‌ده قندهار محلی مسئوللری نینگ فکر_ملاحظه‌سینی اورگه‌نیشنی ایسته‌دیک؛ بیراق اولر بوتوغریده صحبت قیلیش گه حاضر بولمه‌دیلر.
بیزلرنینگ توییترده هم تعقیب قیلینگ!
باشقه بیر تامان‌دن، صناعت و سوداگرلیک اتاق‌لر اورین‌باسری خان‌جان الکوزی نینگ ایتیشیچه، مملکت‌ده تدبیرکار عیاللر گه قولی‌لیک یره‌تیش مقصدیده سعی و حرکت قیلماقده‌لر. او، قندهار ده‌گی صناعتچی و سوداگر عیاللر نینگ ادعالرینی رد قیلیب کوپه‌یتیریشیچه: «بو توغریده حاضرگچه اسلامی امارت تامانیدن قرار آلینگنی یوق. حاضرگچه جوازلری تمدید بوله‌دی و ینگی جواز صادر بوله‌دی. صناعت بولیمی‌ده عیال‌لردن کوپ قطاری کسب‌‌و کار گه مشغول‌لر.»
ایتیش کیره‌ک که، افغانستان ده اوتگن بیر ییل‌ده قشاق‌لیک و ایش‌سیزلیک کوپه‌یشی بیلن، یالغیز سوداگر عیاللر فعالیتی ایمس، بلکیم باشقه ساحه‌لر نینگ اقتصادی فعالیت‌لری اوستیگه سلبی تأثیر قیلگن.
