جوزجان معلومات و مدنیت ریاست رئیسی مولوی سیف‌الدین معتصم نینگ ایتیشیچه، خبرچیل، ییگیت‌لر و اوشبو ولایت یشاوچیلریدن قطاری بوگون (جمعه، ۳-سرطان) پکتیکا، پکتیا و خوست ولایت‌لریده یوز بیرگن زلزله عاقبتیده زیان کورگنلر گه یاردم توپلش کمپاینی نی باشلگنلر.
جوزجان معلومات و مدنیت ریاست رئیسی گه کوره، اوشبو کمپاین مذکور ولایت‌ده ۵ کونگچه دوام قیلیب و توپلنگن پوللر بیر برنامه آرقه‌لی زلزله عاقبتیده زیان کورگنلر گه ترقه‌تیلیشی ممکن.
بیزلرنینگ فیسبوک صحیفه‌میزگه باش اورینگ!
جناب معتصم یاردم بیرووچی کیشی‌لر و ملی سوداگردن حاضرگی وضعیت‌ده ییمک و مالی یاردم‌لر بیلن زیان کورگنلر گه یاردم بیریش‌لری نی سوره‌گن.
جوزجان ده رضاکار ییگیت‌لردن قطاری نینگ ایتیش‌لریچه، مذکور کمپاین پکتیکا، پکتیا و خوست ولایت‌لریده یوز بیرگن زلزله نتیجه‌سیده، زیان کورگنلر بیلن همدرد‌لیک بیلدیریش اوچون یولگه قوییلگن.
ایتیش‌کیره‌ک که، باشقه بیر قطار ولایت‌لر نینگ یشاوچیلری، خوست و پکتیکا ده زلزله باعث زیان کورگنلر گه یاردم بیریش کمپاینینی یولگه قویگنلر.