نیچه پَیت آلدین اسلامی امارت واسطه‌چیلگی بیلن پاکستان حکومتی و اوشبو مملکت طالبلر تحریکی اورته‌سیده صلح سوزلشووی یولگه قوییلگن ایدی. ایتیلیشیچه، مذکور سوزلشووده پاکستانلیک طالبلر اوشبو مملکت نینگ قبایلی منطقه‌لری اولرگه تاپشیریلیشینی سوره‌گن ایکنلر.
حاضر پاکستان رسانه‌لری نینگ گزارش بیریشلریچه، پاکستان حکومتی اوشبو منطقه‌لرنی پاکستانلیک طالبلر گه تاپیشیریلیشی خصوصیده کیلیشگن.
پاکستان رسانه‌لری نینگ گزارشلریده کیلیشیچه، اوشبو منطقه‌لر، مذکور مملکت طالب‌لریگه تاپشیریلیشی بیلن، مذکور گروه اوز قاعده-قانونلرینی اوشبو منطقه‌لرده عملگه آشیریشلری ممکن.
بیزلرنینگ فیسبوک صحیفه‌میزگه باش اورینگ!
عین‌حالده، ایتیلیشیچه، بونگه علاوه پاکستان حکومتی اوشبو گروه اعضالرینی قماقخانه‌لردن قوییب یوباریشی ممکن، اوشبو موضوع کوپینچه عکس‌العمللرگه سبب بولگن.
اوشبو موضوع گه قرشی پاکستان سیاستچیلریدن بیری، افراسیاب خَتک توییتر صحیفه‌سیده یازیشیچه: «پاکستان حکومتی اوشبو مملکت قبایلی منطقه‌لرینی پاکستانلیک طالبلرگه تاپیشیریش بیلن بیرقطار پشتونلرینی اولرنی حاکمیتی آسیتیده حیات کیچیریش گه مجبور قیله‌دی.»
شونده بیرحالده، افغانستانلیک بیرقطار بیلرمانلر، مذکور کیلیشوونی پاکستان و افغانستان نینگ ضرریگه دیب بیله‌دیلر.
سیاسی ایشی بیلرمان و سابق ملت وکیلریدن بیری میربت خان منگل نینگ ایتیشیچه، قبایلی منطقه‌لر پاکستان حکومتی تامانیدن طالبلرگه تاپشیریلگن صورتده، القاعده و داعش کبی قورالی گروه‌لر قیته رشد قیلیب مذکور منطقه‌لرده اورین آلیشلری ممکن، بو جوده یامان بیر اویین دیر که پاکستان اونی یولگه تَشله‌گن.
بیزلرنینگ توییترده هم تعقیب قیلینگ!
سیاسی ایش بیلرمانلردن باشقه بیری نورشاه نورانی نینگ ایتیشیچه، مذکور لایحه عملی ایتیلگن صورتده، قورالی گروه‌لر قبایلی منطقه‌لرده ییرلَشه‌دیلر.
اونینگ کوپه‌یتیریشیچه، بوکبی قرار، ایکی مملکت چیگره حدودلری یشاوچیلریگه ضررلی دیر و بونگه علاوه پاکستان و افغانستان مملکتلریده هم سلبی تأثیر قیله‌دی.
ایتیش کیره‌ک دیرکه مذکور سوزلَشووده، پاکستانلیک طالبلر نینگ اعضالرینی قوییب یوباریلیشی، آتش‌بس و باشقه بیرقطار موضوع‌لر توغریسیده بحث قیلگنلر.