سیاسی ایش بیلرمان‌لر، پاکستان ایلچیسی نینگ سونگی بیاناتی، که اسلامی امارت نی رسمیت گه تانیش اوچون دنیا جماعه‌چیلیگی نینگ قراری و بیردم‌لیگی نی مهم دیگن ایدی، فکر بیلدیریب ایته دیلر، پاکستان، اسلامی امارت اصلی حمایتچی‌سی سنله دی، اما مذکور مملکت کوپراق اوز منفعت‌لری‌گه اویله‌یدی.
ایش‌بیلرمان‌لر ایشانچی گه کوره، پاکستان رسمی‌لری افغانستان ایش‌لری گه اره‌لشیشی بیلن اوز مقصدی گه ایریشماقچی.
افغانستان ده، پاکستان ایلچیسی منصوراحمدخان، ینگی‌لیکده ایتیشیچه، اسلامی امارت نی رسمیت گه تانیش دنیا جماعه‌چیلیگی نینگ قراری و بیردم‌لیگی گه باغلیق.
احمدخان نینگ ایتیشیچه، اسلامی امارت نی رسمیت گه تانیش اوچون منقطه مملکت‌لری نینگ مصلحت اوتکزیش‌گه گیلیشووی مهم مسئله دیر، که بو مملکت‌لر موضوع سی اسلامی امارت اوچون مهم سنله دی.
سیاسی تحلیلچی‌لر دن بیرقنچه سی، پاکستان ایلچیسی نینگ ینگی بیاناتی حقیده ایتیشیچه، مذکور مملکت اسلامی امارت مقابلی‌گه ایکی تامانلمه دیپلماسی قیلماقده.
سیاسی تحلیلچی جواد حسینی سلام وطندارگه ایتیشیچه، پاکستان رسمی‌لری اسلامی امارت نی رسمیت‌گه تانیش دن آلدین، اوز مقصد و منعفت‌لرینی نظرگه توتماقده. بو عین حالده که اسلامی امارت اولر اوچون اونچه‌لیک اهمیتی یوق.
بیزلرنینگ فیسبوک صحیفه‌میزگه باش اورینگ!
“پاکستان، اسلامی امارت مقابلی گه ایکی تامانلمه یول کیتماقده، بعضی وقت‌لر تاکید ایته دی، که تیزلیکده اسلامی امارت بیلن همه بولیم‌لرگه یاردم بیریلیشی کیرک، مخصوصاً اسلامی امارت نی رسمیت گه تانیش اوچون همکارلیک بولسین.”
باشقه بیر سیاسی تحلیلچی مصطفا علی‌زاده نینگ ایتیشیچه، پاکستان آلدین دن تعیین قیلگن مقصدلری گه قول تاپیش اوچون لابی‌گرلیک قیلیب عین زمان ده اسلامی امارت و دنیا جماعه‌چیلیگی نی راضی سقله‌ماقده.
“پاکستان، افغانستان خلق‌ارا تیزیمی ده ملت‌لر تشکیلاتی ده تعیین ایتیلگن کرسی‌سی گه ایگه بولیشی نی امید قیله دی، تا قیلالسه که ایسکی رقیبی هند نی مغلوبیت گه اوچره‌تسه و بو یول دن افغانستان دولتی نی اوز کنترولی ده آلسه.”
مملکت ایچکری و تشقریسی ده افغانستان حاکم تیزیمی اوله‌راق اسلامی امارت نی رسمیت گه تانیش مهم موضوعلردن سنله دی.
دنیا مملکت لری نینگ بیرقنچه سی، اسلامی امارت نی رسمیت گه تانیش اوچون اوز شرطلری نی قوییشگن، اما هنوزگه قدر بیللی ایمس که طالبان بو شرط لرنی عملگه آشیریش اوچون نیمه اقدام‌لر قول اوستیده آله دیلر.
