بیرلشگن ملت‌لر تشکیلاتی نینگ باله‌لردن حمایت قیلووچی صندوقی یا-ده یونیسف، اینه بیر مرته افغانستان‌ده‌گی باله‌لر نینگ وضعیتیدن خواطر بیلدیریب و ایتیشیچه، مذکور مملکت‌ده باله‌لری نینگ جدی توییب اوقات‌لنمسلیگی کوپه‌یگن دیر.
مذکور نهاد بوگون توییتر صحیفه‌سیده یازگن که، ۲۰۲۲-ییلده افغانستان‌ده ۵ یاشردن کیچیک هر ایکی باله‌دن بیری توییب آوقتلنمسلیکدن رنج ایلتیشی ممکن.
یونیسف نینگ کوپه‌یتیریشیچه، افغانستان‌ده ضرر کورگن باله‌لر و عایله‌لری نینگ نیازلری کوپ دیر. بیرلشگن ملت‌لر تشکیلاتی نینگ باله‌لردن حمایت قیلووچی صندوقی نینگ اورغولشیچه، ییمک و ساغلیک خذمت‌لر کبی قوتقریش یاردم‌لر بیلن، توییب آوقات‌لنمه‌گن باله‌لر گه یاردم بیریشی ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ساغلیق‌نی سقلش وزیرلیگی نینگ سوزلاوچیسی جاوید هژیر، بیرلشگن ملت‌لر تشکیلاتی نینگ باله‌لردن حمایت قیلووچی صندوق آماری نی رد قیله‌دی. اونینگ ایتیشیچه، ۳.۵ میلیون باله توییب آوقتلنمه‌یدی که بو آره‌ده ۱.۱ میلیونی جدی و ۲.۵ میلیونی ایسه اورته توییب آوقتلنمسلیک بیلن روپه‌رو دیر.
باشقه بیر تاماندن، اندراگاندی کسلخانه باش‌داکتری محمد اقبال صادق نینگ سلام‌وطندار گه ایتیشیچه، مملکت نینگ اقتصادی وضعیتی فاجعه‌لی بولگنی باعث، مذکور کسلخانه گه توییب آوقتلنمه‌یدیگن باله‌لر مراجعتی کوپه‌یگن دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «ایکی کون ایچیده کمیده ۱۰۰ کسل، کسلخانه گه مراجعت قیله‌دی و حاضر ایسه بیزلرده ۲۰ یاتاقیمیز بار. اهالی حاضر‌گی وضعیت‌ده فقیر بولگنلر؛ انه‌شوو سبب، مملکت‌ده توییب آوقات‌لنمسلیک کوپه‌یگن دیر.»
شونده‌ی بیرحالده، اوتگن کون بیرلشگن ملت‌لر تشکیلاتی نینگ باله‌لردن حمایت قیلووچی صندوقی، مذکور صندوق آرقه‌لی ۱۲.۹ میلیون نیازمند افغان باله گه یاردم بیریش‌نی ایتگن ایدی؛ بیراق تیز یاردم بولمه‌گن تقدیرده بو ایش ناممکن دیر.
