افغانستان ایرکین میدیالریدن حمایت قیلووچی نهاد (نی)، پنجشنبه کیچه، ۲۷ دلو، بیر بیانیه ترقهتیب ایتیشیچه، اوتگن بیر آی ده خبرچیلرنی حبس گه آلیش و اولرنی بیزاوته قیلیش واقعهلری کوپهیشی، اوشبو نهاد خواطری گه سبب بولگن.
نی نینگ کوپهیتیریشیچه، مذکور نهاد نینگ معلوماتی اساسیده، قندهار ده محلی خبرچی محمدیار مجروح مذکور ولایت خوفسیزلیک کوچلری تامانیدن قولگه آلینگن و ایکی کوندن بویان قماقخانه ده دیر.
بیزلرنینگ فیسبوک صحیفهمیزگه باش اورینگ!
بیانیه ده کیلیشیچه: «قریب ایکی ییل ایچیده، قندهار ده نیچه مراتبه خبرچیلر امنیتی کوچلر تامانیدن قولگه آلینگن یا ده چقیریلگن. شونینگدیک اوتگن بیر آی ده کابل، ننگرهار، قندهار و غور ولایتلریده قطار خبرچیلر امنیتی کوچلر تامانیدن حبس گه آلینگن یا ده چقیریلگن.»
باشقه تاماندن افغانستان ایرکین میدیالریدن حمایت قیلووچی نهاد گه کوره، ایکی کون آلدین ایچکی ایشلر وزیرلیگی خوفسیزلیک کوچلری کابل ده «تمدن» خصوصی تلویزیونی ایچیگه باستیریب کیرگن و مذکور میدیا مسئوللری نینگ ایتیشلریچه، خبرچیلری و ایشلاوچیلری امنیتی کوچلر تامانیدن کلتکلهنیب و اوشبو میدیا نینگ نقلیه واسطهلرینی اوزلری بیلن آلیب کیتگنلر.
نی اوشبو بیانیه ده تأکیدلشیچه، اسلام امیرلیگی خوفسیزلیک کوچلری تامانیدن خبرچیلر قولگه آلینیشی و اولرنی بیزاوته قیلیش، قبول قیلینمهیدی.
بیزلرنینگ توییترده هم تعقیب قیلینگ!
بیانیه ده یازیلیشیچه: «مسئول کیشیلر، محلی خبرچی محمدیار مجروح نی تیزلیک بیلن قوییب یوباریب و ادعالری بولگن تقدیرده میدیالر تخطی کمیسیونی گه یوللشلری کیرهک. ایتیش کیرهک که، تمدن تلویزیونی مسئلهسی خصوصیده ایچکی ایشلر وزیرلیگی ایضاح کیریتیب و اوشبو تلویزیون نینگ نقلیه واسطهلرینی قیتیریب و مسئولی دن کیچیریم سورهشی کیرهک.»
اسلام امیرلیگی، اوشبو خبرچی قولگه آلینیشی و ایچکی ایشلر وزیرلیگی خوفسیزلیک کوچلری، تمدن تلویزیونی ایچیگه باستیریب کیریشی حقیده حاضرگچه هیچ نرسه دیمهگن.