خبرچیلر قولگه آلینیشی نینگ دوام ایتگنی، رسانه‌لردن حمایت قیلووچی نهادلر و خبرچیلر نینگ خواطریگه سبب بولگن.
اسلامی امارت کوچلری هرات ولایتی‌ده ۷ کون آلدین دایکندی نینگ «صدای مهربانی» و «آفتاب رادیوسی» نینگ مسئول مدیری و مدنی جماعه فعاللریدن بیری میرزا حسنی نی قولگه آلگنلر.
بیزلرنینگ فیسبوک صحیفه‌میزگه باش اورینگ!
میرزا حسنی نینگ ایناغه‌سی عزت توانا نینگ سلام‌وطندار گه ایتیشیچه، ۷ کون اوتیشی بیلن حاضرگچه ایناغه‌سی اسلامی امارت اسارتی‌ده دیر.
سونگی مورد‌ده، سلام‌وطندار خبرچیسی رومان کریمی و هیداوچیسی سمیع‌الله، اوتگن کون توش‌دن آلدین ساعت ۱۰ده یولگه قوییلگن عیاللر اعتراضی نی پوشش بیریش اوچون کابل شهرنو منطقه‌سی نینگ «حاجی یعقوب» تورت‌یولی‌گه کیتگن ایدیلر، بیراق اسلامی امارت استخبارات کوچلری تامانیدن قولگه آلیندیلر.
کریمی نینگ ایتیشیچه، او و سمیع‌الله کمیده ۷ ساعت کابل ولایتی نینگ ۱۰_ استخبارات حوزه آمریتی قماق‌خانه‌سی‌ده ایکنلر و ساعت ۵ده قوییب یوباریلگنلر.
اونینگ کوپه‌یتیریشیچه، خبرچی‌لیک کارتی نی اسلامی امارت کوچلری گه کورستگن ، بیراق اونینگ صحبت‌لری گه توجه بولمه‌ی، قولگه آلینیب و کلتکلنگن.
باشقه بیر تاماندن، تصویری رسانه‌لردن بیری نینگ خبرچیسی صدیقه فرامرز، سلام‌وطندار بیلن اوتکزگن صحبت‌لریده ایتیشیچه، معلومات ارایه قیلیش جریانیده خبرچیلر نینگ قولگه آلینیشی خبرچیلر نینگ زیریکتیرگن باشقه قیین‌چیلیکلردن دیر.
شونینگدیک فرامرز نینگ کوپه‌یتیریشیچه، اوشبو مورد‌ده نیچه مراتبه دادخواهلیک قیلینگنلر، بیراق خبرچیلر دن قطاری قولگه آلییب، کلتک‌لنیشی دوام ایتماقده.
شونده‌ی بیرحالده، ژورنالیست‌لر فدراسیون نینگ عضوی سید‌اصغر اکبرزاده نینگ ایتیشیچه، حکومت خبرچیلر خوف‌سیزلیگینی تامین‌لش اوچون سعی و حرکت قیلیشی کیره‌ک. او، سرپرست حکومت‌دن خبرچیلر امنیتی نی تامین‌لش خصوصیده بیرگن سوزلرینی عمل گه آشیریشلرینی سوره‌گن.
لیکن اسلامی امارت سوزلاوچی اورین‌باسری بلال کریمی نینگ ایتیشیچه، سرپرست حکومت سوز ایرکین‌لیگی، رسانه‌لر و خبرچیلر نینگ حمایت قیلووچیسی دیر، بیراق معلومات ییتیشتیریش اسلامی شریعت چارچوبه‌سیده بولیشی کیره‌ک.
بیزلرنینگ توییترده هم تعقیب قیلینگ!
منبع‌لر تامانیدن سلام‌وطندار گه بیریلگن معلومات اساسیده، اوتگن ۱ آی جریانیده، خبرچیلر نینگ قولگه آلینیشی خصوصیده کابل، پکتیا و هرات ده ۸ مورد زوراوانلیک واقعه قید ایتیلگن که بو آره‌ده، بیر مورد تهدید و بیر مورد ایسه عیال خبرچی نینگ خبری ییغین گه رخصت بیریلمه‌یشی شامل دیر.
ایتیش کیره‌ک که، شونینگدیک بوندن آلدین سلام‌وطندار و باشقه رسانه‌لر خبرچیلری اسلامی امارت استخبارات کوچلری تامانیدن قولگه آلینیب و کلتک‌لنگلر.
