جمهور رئیس نینگ ملی خوفسیزلیک مصلحتچیسی، افغانستان‌لیکلرارا تینچلیک مذاکره‌سی نینگ سونگی باسقیچ‌لری افغانستان‌ده دوام ایتیشی نی سوره‌گن.
جمهور رئیس نینگ ملی خوفسیزلیک مصلحتچیسی حمدالله محب بوگون (شنبه۲۲- قوس) فیسبوک صحیفه‌سیده یازیشیچه، تینچلیک مذاکره‌سی اولکه‌ده دوام ایتیش خصوصیده دولت نینگ ایریم اونملی مکانی یوق و حکومت طالبان گروهی تامانیدن تکلیف بیریلگن منطقه‌ده تینچلیک مذاکره‌سینی اوتکزیش اوچون تیار دیر.
جمهور رئیس ملی خوفسیزلیک مصحلتچیسی نینگ کوپه‌یتیریشیچه، اولکه‌ده تینچلیک مذاکره‌سی دوام ایتگن حالده، مذاکره قیلوچی کیشی‌لرنینگ خوفسیزلیگی تأمین‌لنه‌دی و مذاکره جریانیده خلق نینگ نظارتی گه زمینه یره‌ته‌دی.
جناب محب نینگ ایتیشیچه، تینچلیک مذاکره‌سی افغانستان ده دوام ایتگن حالده، مذاکره قیلوچی کیشی‌لر خلق نینگ ایستگی نی یخشی بیر شکلده ایشیته‌دیلر و شونینگدیک اضافی خرجت‌لرنینگ آلدی آلینه‌دی.
جناب محب گه کوره، تینچلیک مذاکره‌سی افغانستان ده دوام ایتیشی، افغانستان یشاوچی‌لری اوچون جوده اونملی دیر.
جناب محب نینگ ایتیشیچه، تینچلیک مذاکره‌سی تشقی اولکه‌لرده دوام ایتگن حالده، مذاکره قیلوچی‌لر تشقی شرایط‌لردن متأثر بوله‌دیلر و تجربه‌لریمیز گه کوره، بوندی بیر تینچلیک افغانستان خلقی نینگ منفعتی نی تأمین قیله آلمه‌یدی.
طالبان گروهی، دولت نینگ اوشبو ایسته‌گی خصوصیده هیچ قندی فکر بیلدیرمه‌گن. افغانستان‌لیکلرارا تینچلیک مذاکره‌سی ۲۲- سنبله آیی‌ده قطر پایتختی دوحه شهریده باشلندی و حاضرهم دوام ایتماقده.
افغانستان دولتی و طالبان گروهی نینگ هیأت‌لری تینچلیک مذاکره‌سی نینگ طرزالعملی اوستیگه نیچه آی تارتیشدی و نتیجه‌ده ایکی تامان مذکور طرزالعمل اوستیگه کیلیشدی.
