فاکس‌نیوز تلویزیونی نینگ ینگی گزارشی اساسیده، امریکا سناتورلریدن بیرقطاری اسلام امیرلیگی اعضالری گه قرشی تحریم وضع قیلیش مقصدیده، بیر لایحه نی کانگرس گه تصدیق اوچون یوباریش گه قرار قیلگنلر.
اوشبو لایحه ده امریکا دولتی دن، اسلام امیرلیگی اعضالری اوچون ویزه صادر قیلمه‌ی و اولر بیلن معامله قیلمسلیگی طلب قیلینگن.
بیراق اسلام امیرلیگی مذکور گزارش گه مناسبت بیلدیریب ایتیشیچه، سرپرست حکومت اوستیگه باسیم کیلتیریش هیچ نتیجه بیرمه‌یدی و امریکا باسیم اورنیده تعامل قیلیش اوچون سعی‌وحرکت قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی بلال کریمی نینگ سلام‌وطندار گه ایتیشیچه: «دنیا و امریکا باسیم نتیجه بیرمسلیکنی بیلیش‌لری کیره‌ک، اوتگن ۲۰ ییل ده اولر تورلی ساحه‌لرده باسیم کیلتیریش دن فایده‌لندیلر لیکن یخشی نتیجه بیرمه‌دی، شونی اوچون دیپلوماتیک مذاکره قیلیشی لازم، اسلام امیرلیگی مذاکره قیلیش گه علاقه‌مند دیر.»
فاکس‌نیوز نینگ گزارشی اساسیده، جمهوری‌خواه سناتورلری اسلام امیرلیگی دن، کوپ تحریم بولمسلیک‌لری اوچون، ترورچی گروه‌لر و انسان حق‌لری گه دایر اوز سیاستینی اوزگرتیریشینی ایسته‌گن.
بیراق بلال کریمی گه کوره، اسلام امیرلیگی ایچکی سیاست‌لری برابری ده هیچ بیر مملکت نینگ خواستینی قبول قیلمه‌یدی. او نینگ کوپه‌یتیریشیچه: «افغانستان نینگ ایچکی مسئله‌لری افغانستان خلقی گه عاید دیر و ایرکین روشده بوتوغریده قرار آلینه‌دی، بوتوغریده چیت‌ایل‌لیکلر نینگ بویروغی قبول قیلینمه‌یدی.»
باشقه تاماندن، سیاسی ایش بیلرمان‌لردن بیرقطاری نینگ ایتیشلریچه، امریکا بو ایشلری بیلن اسلام امیرلیگی بیلن ایکی تور سیاست اوینیش و عامه نینگ فکرینی چلغیتیش مقصدیده سعی‌وحرکت قیلماقده. سیاسی ایش بیلرمان و بیلیم یورت اوقیتووچیسی سرور جعفری گه کوره: «امریکا و اوشبو مملکت ده فعالیتی بولگن نهادلر، اوز استراتیژیک‌لری و ملی امنیت‌لری اوچون خارجی سیاست نی تعریف قیلگنلر، اوشبو تعریف گه بناً امریکا اسلام امیرلیگی بیلن ایکی تور سیاست اوینه‌یدی.»
بیزلرنینگ توییترده هم تعقیب قیلینگ!
سیاسی ایش بیلرمان‌لردن باشقه بیری صمیم شمسی نینگ ایتیشیچه: «امریکا وباشقه مملکت‌لر تامانیدن وضع بوله‌دیگن تحریم‌لر اقتصاد، سیاست و افغانستان خلقی اوستیده مستقیم تأثیر قیله‌دی، تحریم‌لر کوپه‌یشی بیلن حاضرگی حکومت نینگ رسمیت گه تانیش آرتگه قالیب و یشاوچیلر کوپراق زیان کوره‌دی.»
جمهوری‌خواه سناتورلری کانگرس دن، لایحه یوباریلیشیدن کیین تیزلیک بیلن تصدیقلشینی طلب قیلگنلر.
عین‌حالده، اسلام امیرلیگی رسمی‌لری نیچه مرته قوشنی و دنیا اولکه‌لری بیلن یخشی تعامل قیلیش اوچون تلاش قیله‌یاتگنلرینی ایتگنلر.
