ناتو باش کاتبی ینس استولتنبرگ نینگ ایتیشیچه، اوشبو تشکیلات مدافعه وزیرلری نینگ کیله‌سی آی یولگه قوییله‌دیگن ییغینیده ناتو کوچلری نینگ افغانستانده قالیشی یا-ده چیقیشی خصوصیده قرار قیلیشی ممکن.
استولتنبرگ نینگ ایتیشیچه، ناتو تشکیلاتی نینگ مدافعه وزیرلری، اوشبو تشکیلات نینگ افغانستانده قالیشی یا-ده چیقیشی خصوصیده فبروری آی ده قرار قیله‌دی. او، کیله‌جک میلادی ییل‌نی ناتو کوچلری نینگ افغانستانده قالیشی خصوصیده قرار قیلینیشی اوچون اونملی عنوان قیلگن.
جناب استولتنبرگ نینگ بو قرارنی زور عنوان قیلیب ایتیشیچه، بوتوغریده مصحلت قیلیش‌گه نیاز، بیراق اونینگ تاکید قیلیشیچه، اوشبو قرار امنیتی وضعیت و افغانستان تینچلیک سوزلشوو یوتوق‌لریگه کوره آلینه‌دی.
ناتو باش کاتبی نینگ تاکید قیلیشیچه، بو تشکیلات تینچلیک جریانی و افغانستان دولتی و طالبان آره‌سیده بولگن سوزلشوولر باشلنگنیدن حمایت قیله‌دی. اونینگ ایتیشیچه، تینچلیککه قول تاپیش اوچون اساسی یول سوزلشوو دیر.
ینس استولتنبرگ نینگ ایتیشیچه: «بیزنینگ افغانستانده حضوری‌میز خصوصیده قرار قیلیشی‌میز کیره‌ک. ناتو کوچلری چیقگن صورتده، افغانستان نینگ خلق ارا تروریست‌لری اوچون تینچ جای‌گه اوزگریش خطری موجود و قیین‌چیلیکلر کوپ دیر یالغیز حل یول سوزلشوولر نینگ دوام قیلیشی دیر.»
استولتنبرگ نینگ کوپه‌‍یتیریشیچه، ناتو حربی‌لری نینگ تیزلیککه و هماهنگ‌سیز شکلده چیقشی‌نی کوپینچه هزینه‌سی بولیشی ممکن، چونکه «افغانستان نینگ خلق ارا عصیانچی‌لر مرکزیگه اوزگریشی و هجوم ترتیب‌لش خطری موجود دیر.»
ناتو باش کاتبی بوندن آلدین هم افغانستانده قالیش یا-ده ترک قیلیش اوچون بها توللش کیره‌ک لیگی‌نی بیلدیرگن ایدی.
حاضرده ناتو نینگ ۱۲ مینگ حربی‌سی افغانستانده دیر و افغانستان امنیتی کوچلریگه تعلیم بیریش بیلن شغللنه‌دیلر.
