ناتو تشکیلاتی نینگ باش کاتبی ینس استولتنبرگ، اوشبو تشکیلات نینگ ۶۶ نچی، ییل‌لیک پارلمانی ییغینیده نطق سوزلب ایتیشیچه، افغانستانده امریکالیک حربی‌لر رقمی کمه‌یشی ممکن، لیکن ناتو افغانستانده قاله‌دی.
ناتو تشکیلات باش‌کاتبی نینگ کوپه‌یتیریشیچه، اوشبو تشکیلات افغانستان ینه بیر مرته خلق‌ارا ترورچیلیک گروه‌لر اوچون تینچ بیر ییر بولیش خطرینی قبول قیله‌آلمه‌یدی. افغانستان ترورچی گروه‌لر اوچون تینچ ییر بولگن پیتده ترورچی گروه‌لر بوزمه‌کارلیک برنامه‌لرنی توزه‌تیشگه قول اوره‌دیلر.
جناب ینس استولتنبرگ گه کوره، اوشبو تشکیلات داعش ترورچی گروهی سوریه و عراق اولکه‌لریده قولدن بیرگن خلافت نی افغانستانده قوریش گه اجازه بیرمه‌یدی.
جناب ینس استولتنبرگ گه کوره: ” انه شوباعث بیز، ناتو نینگ افغانستاندهگی حضورینی میلادی ۲۰۲۱- ییل فبروری آیی‌ده ملی مدافعه وزیرلری نینگ ییغینیده بیان ایته‌میز. بیز جوده زور بیر تنلاو بیلن روپه‌ره بولگن میز، قالیب افغانستاندهگی حربی‌لری میز نینگ آتیشمه‌لر بهاسینی توله‌یمیز یا-ده افغانستان‌‌نی ترک ایتیب قولگه کیلتیرگن یوتوق‌لریمیز نی قولدن بیریش ریسکی‌نی بوینیمیزگه آله‌میز. تینچلیک پروسه‌سی هم کوچسیز بوله‌دی. نتیجه آلیش اوچون بو مناسب بیر زمان ایمس. لیکن بیرنرسه عقلیمیزده بولسین که بیز بیرلیکده افغانستانگه کیردیک و مناسب فرصتده بیرلیکده چیقه‌میز”.
ناتو تشکیلات باش‌کاتبی نینگ ایتیشیچه، اولر ۱۱ مینگ حربی نینگ تعلیم و مصلحت بیرماقده. اونینگ کوپه‌یتیریشیچه، آمریکا عسکرلرنینگ چیقاریشی‌گه قرار آلگن ایمس، یالغیز ۴۵۰۰ عسکر نی ۲۵۰۰ عسکر گه کمه‌یتیریش اوچون قرار آلگنلر.
عین حالده، آمریکا آچیق شکلده بیان قیلگن کیم حربی جهازلری اینیقسه، هلی‌کوپتر و اوچاقلرینی ناتونینگ هوا و ییر آرقه‌لی حمایت قیلیش اوچون افغانستانگه قویه‌دی و افغانستاندهگی حربی قومندانلر بو موضوع‌نینگ تصدیقله‌گن.
آمریکا و طالبان آره‌سیده‌گی کیلیشوونامه اساسیده، برچه چیت‌ایللیک کوچلر کیله‌جک ییل نینگ «می» آیی نی بیرینچی‌سیده افغانستان دن چیقیش لری لازم.
ناتو تشکیلاتی نینگ باش کاتبی‌گه کوره، طالبان گروهی کیلیشوونامه نینگ برچه شرایطی نینگ تولدیرگن حالده، بیرلشیکلر بو موضوع نی تیکشیریب، افغانستان‌دن چیقیش اوچون قرار آله‌دی.
تیکشیریشدن آلدن بوندی چیقیلگن بیرحالده، افغانستان نینگ طالبان نظارتیگه اوتیشی ممکن. شونینگدیک، داعش گروهی هم نظارتیگه بولگن منطقه‌لرنینگ یوکسلتیریش اوچون سعی و تلاش قیلیب، ترورچیلیک خلافت نینگ افغانستانده ایجاد قیلیش گه حرکت قیله‌دی یا-ده بیز قاله‌میز و قالگن پیتیده هم بوندی بیر وضعیت بیلن روپه‌رو بولیشی میز ممکن.
