ناتو باش کاتبی ینس استولتنبرگ نینگ ایتیشیچه، افغانستان دن شاشلینچ شکلده چیقیش آغیر تمام بولیشی ممکن.
ناتو باش کاتبی نینگ ایتیشیچه، افغانستان دن شاشلینچ شکلده چیقیلگن صورتده، مذکور مملکت قیته‌دن دنیا ترورچیلری نینگ تینچ اویه‌سیگه اوزگریشی ممکن. اونینگ ایتیشیچه، افغانستان دن شاشلینچ شکلده چیقیلگن بیرحالده، مذکور مملکتده داعش قیته‌دن جان آلیشی ممکن.
ناتو باش کاتبی نینگ کوپه‌یتیریشیچه، آمریکا حربی‌لری افغانستان دن چیققن صورتده، ناتو افغانستان امنیتی کوچلری گه مالی یاردم، حربی جهاز و مصلحت بیریش گه دوام بیریشی ممکن.
او بوندن آلدین، افغانستان ده ۱۲ مینگ چیت‌ایللیک حربی کیم اولردن یریمی نی آمریکا حربی‌لری تشکیل بیریشی نی ایتگن ایدی.
او ینه بیر مرته اورغولیشیچه، برچه‌میز بیرلیکده افغانستان کیلگن‌میز و برچه‌میز بیرلیکده افغانستان نی ترک قیله‌میز.
اونگه کوره، بیزلر (ناتو) ۲۰۲۴- ییل گه قدر افغانستان گه هر تامانلمه یاردم بیره‌میز.
استولتنبرگ نینگ ایتیشیچه، ناتو و اونینگ بیرلشیک‌لری افغانستان تینچلیک پروسه‌سیدن حمایت قیله‌دی و «بو پروسه‌سی نینگ بیر بولیمی صفتیده، اوزیمیزنی تیارله‌گن‌میز.»
شونینگدیک او بوندن آلدین هم، افغانستان ده ناتو نینگ حربی حضوری خصوصیده هر قنده‌ی اوزگریش شرط‌لرگه باغلیق بولگنی نی ایتگن ایدی.
نیچه پیت آلدین آلمان مدافعه وزیری آنگرت کرامپ کارن بائر، افغانستان دن چیقیش خصوصیده هر قنده‌ی قرار شرط‌لرگه باغلیق بولیشی کیره‌ک دیگن ایدی.
بوگون (سه‌شنبه ۲۷- عقرب) جمهورلیک ریاست سوزلاوچیسی صدیق صدیقی، چیت‌ایللیک کوچلر افغانستاندن چیقیشی حقیده ایتیشیچه، افغانستان امنیتی کوچلری نینگ یانیده چیت‌ایللیک کوچلرنینگ حضوری «کیره‌کلی» دیر.
اونینگ کوپه‌یتیریشیچه، عملیات‌لردن ۹۸ فایزی افغانستان امنیتی کوچلری آرقه‌لی یولگه قوییلهدیگن بیرحالده، آمریکا و ناتو کوچلری نینگ حضوری کیره‌کلی دیر.
اونگه کوره، حاضر ناتو کوچلریدن قطاری افغانستان امنیتی کوچلری گه تعلیمات و یاردم بیرماقده.
ناتو و افغانستان دولتی بونده‌ی بیانات بیرگن بیرحالده، آمریکا حربی‌لریدن مینگ‌لرچه‌سی ترامپ نینگ بویروغ اساسیده، افغانستان، عراق و سومالیان دن چیقیشی خصوصیده قرار قیلینگن.
