جمهوررئیس‌لیک سرایی نینگ اعلام قیلیشیچه، مملکت جمهوررئیسی تلیفون آرقه‌لی ناتو باش کاتبی ینس استولنتبرگ بیلن صحبت اوتکزگن.
اوتگن کون (پنج‌شنبه ۲۳- عقرب) ناتو باش کاتبی ینس استولتنبرگ بیر توییت یازیب، ایکی تامان افغانستان نینگ حاضرگی وضعیتی حقیده سوزلشگنیدن خبر بیرگن.
اونینگ ایتیشیچه، افغانستان نینگ تینچلیککه ایریشیش اوچون کوپ و اوزون یولی بار، بیراق تینچلیک سوزلشوولری یخشی بیر فرصت یره‌تگن.
ناتو باش کاتبی نینگ یازیشیچه، ناتو افغانستان امنیتی کوچلریدن حمایت قیلیش گه دوام بیره‌دی.
بوندن آلدین ناتو باش کاتبی، مذکور تشکیلات نینگ افغانستان ده حربی حضوری خصوصیده هر بیر اوزگریش شرط‌لرگه باغلیق دیگن ایدی.
او، طالبان دن اوز وعده‌لریگه عمل قیلیب و زوروانلیک‌لرنی کمه‌یتیریش‌لرینی سوره‌گن ایدی.
او شونینگدیک طالبان گروهیدن القاعده و باشقه ترورچیلیک گروه‌لر بیلن علاقه‌لری نینگ کیسیش‌لرینی سوره‌گن ایدی.
آمریکا جمهورلیک ریاست سیلاویده جوبایدن غالب اعلام قیلنگنیدن کیین، بو ناتو باش کاتبی و افغانستان جمهوررئیسی آره‌سیده بیرینچی تلیفونی سوزلشوو دیر.
