افغانستان سابق جمهور باشلیغی حامد کرزی بیر بیانیه ترقه‌تیب، افغانستان اوچون ناروی ایلچیسی اولی اندریس لیندمن بیلن اوچره‌شگنیدن خبر بیرگن. اوشبو اوچره‌شوو بوگون (جمعه، ۳۰ ثور) بولیب اوتگن.
بیانیه ده کیلیشیچه، بو اوچره‌شووده افغانستان و منطقه وضعیتی و قیزلر نینگ مکتب‌لری آچیلیشی و خاتین قیزلر ایش‌گه قیتیشی خصوصیده بحث قیلینگن. اوشبو اوچره‌شووده ایکی تامان آلتینچی صنف‌دن یوقاری قیزلر نینگ مکتب‌لری آچیلیشی اوستیگه تأکید ایتگنلر.
بیزلرنینگ فیسبوک صحیفه‌میزگه باش اورینگ!
بیانیه ده یازیلیشیچه: «بو اوچره‌شووده افغانستان و منطقه وضعیتی و قیزلر نینگ مکتب‌لری آچیلیشی و خاتین قیزلر ایش‌گه قیتیشی خصوصیده بحث قیلینگن. ایکی تامان اوشبو اوچره‌شووده، آلتینچی صنف‌دن یوقاری قیزلر نینگ مکتب‌لری آچیلیشی اوستیگه تأکید ایتگنلر.»
مذکور اوچره‌شووده حامد کرزی، ناروی نینگ ایریم ساحه‌لرده افغانستان خلقی بیلن همکارلیگیدن منتدارلیک بیلدیریب و ایکی مملکت ارا مناسبت‌لر مستحکم له‌نیشی و ناروی نینگ همکارلیگی دوام ایتیشینی طلب قیلدی.
عین‌حالده، بوندن آلدین حامد کرزی قطار دین عالم‌لر و سیاستچیلر بیلن علیحده اوتکزگن ملاقاتیده، آلتینچی صنف‌دن یوقاری قیزلر نینگ مکتب‌لری آچیلیشینی سوره‌گن.
افغانستان ده اسلامی امارت نینگ قدرت گه ایریشیدن توقیز آی دن کوپ اوتسه‌ده لیکن حاضرگچه هیچ بیر مملکت تامانیدن رسمیت گه تانیلمه‌گن. اسلامی امارت حاکم بولیشیدن کیین، خاتین قیزلر گه قرشی ایریم چیکلاولرنی یره‌تگن.
بیزلرنینگ توییترده هم تعقیب قیلینگ!
اسلامی امارت افغانستان گه حاکم بولیشیدن کیین، آلتینچی صنف‌دن یوقاری اوقووچیلرنی مکتب باریش گه رخصت بیرمه‌دی. بو حکومت نیچه مراتبه ۱۴۰۱-ییل ۳ حمل ده، آلتینچی صنف‌دن یوقاری قیزلر نینگ مکتب‌لری آچیلیشینی ایتگن ایدیلر.
شو بیلن بیرگه، مکتب‌لر آی‌لر تعطیل بولیشیدن کیین، ۳ حمل ده آلتینچی صنف‌دن یوقاری قیزلر یوزی گه آچیلیشی کوتیلر ایدی، بیراق معارف وزیرلیگی بیرگن وعده‌لری گه عمل قیلمه‌دی. اسلامی امارت نینگ بو اقدامی ملی و خلق‌ارا قتیق واکنش‌لر گه روپه‌ره بولگن.