افغانستان سابق جمهور باشلیغی حامد کرزی، بو کیچه (۲۵ حوت/۱۶ مارچ) پاکستان حربی کوچلرینینگ پایتخت کابل شهریده یشش اویلر و ملکی جایلرنی نشانگه آلگنینی قارهلهدی.
کرزی، فیسبوک صحیفهسیده بیر بیانیه ترقهتیب پاکستان حربی کوچلریگه بوندهی هجوملر دوامی نهفقط اولرنی مقصدلریگه ایریشتیرمهیدی، بلکی پاکستان ضرریگه وضعیت یامانلشی حقیده آگاهلنتیردی.
افغانستان سابق جمهور باشلیغی، پاکستان اگر اوز خیری و منطقهده برقرارلیک طرفداری بولسه، سیاستینی قیته کوریب چیقیب و افغانستان بیلن قوشنی اصول دایرهسیده همکارلیک قیلیشی کیرهک دیگن.
اسلام امیرلیگی سوزلاوچیسی ذبیحالله مجاهد، آلدینراق ایکس صحیفهسیده بیر بیانیه ترقهتیب، پاکستان جنگری اوچاقلری ینه بیر مرته افغانستان حاکمیتی گه تجاوز قیلیب و پایتخت کابل شهریده معتادلرنی دوالش کسلخانهسینی نشانگه آلگنینی بیلدیردی.
مجاهد گه کوره، اوشبو هجومده دوالنهیاتگن بیر قطار معتادلر «شهید» بولیب و یرهلنگن. او شوندهی دیگن: «بیز بو جنایتنی قتیق سوزلر بیلن قارهلهیمیز و اونی برچه قاعدهلر و انسانیت قدریتلریگه ضد دیب بیلهمیز.»
