ننگرهار ساغلیک ریاستی نینگ معافیت کتلوی بولیم باشلیغی دکتر جان‌محمد نینگ سلام‌وطندارگه ایتیشیچه، مذکور واکسیناتورلر بو ولایتده ناتانیش قوراللی کیشیلرنینگ ۴ اَیری هجومیده هلاک ایتیلگن.
شونینگدیک مذکور هجوم‌لرده باشقه اوچ واکسیناتور هم یره‌لنگن.
اوشبو هجوملر بوگون (سه‌شنبه ۲۵- جوزا) ایرته‌لب ساعت ۸ و ۹ ده جلالآباد شهری و مذکور ولایت نینگ خوگیانی و سرخ‌رود تومن‌لریده یوزبیرگن.
ننگرهار ساغلیک ریاستی نینگ کتلوی معافیت بولیمی باشلیغی نینگ ایتیشیچه، بو هجوم‌لرده ۲ واکسیناتور خوگیانی و ۲ واکسیناتور سرخ‌رود ده هلاک ایتیلگن و بیر واکسیناتور خوگیانی و باشقه ۲ واکسیناتور جلالآباد شهریده یره‌لنگن.
- ننگرهار ده ۳ ایم‌لاوچی عیال ناتانیش قوراللی کیشیلر تامانیدن اوققه توتیلگن
- ننگرهار ده گچ ایشلب چیقاره‌دیگن بیر ایش‌خانه نینگ ۷ ایشلاوچیسی اولدیریلگن
- ننگرهار؛ زهرلی چای ایکی باله نی اولدیریب و باشقه ۱۰ کیشی زهرلنتیرگن
- ننگرهار ده انعکاس تلویزیونی نینگ ۳ عیال ایشلاوچیسی ترور ایتیلگن
بیراق ننگرهار حاکمی ضیاالحق امیرخیل توییتر صحیفه‌سیده یازیشیچه، اوشبو هجوم‌لرده بیر واکسیناتور هلاک و باشقه ۵ واکسیناتور ایسه تن جراحتی کوتارگن.
هجوملر مسئولیتی نی حاضرگچه بیرار گروه یا-ده شخص بوینیگه آلمه‌گن.
باله‌لر فلج کسل‌لیگی نینگ واکسینی نی اوتگن کون باشلندی.
ایتیش کیره‌ک که حمل آیی ده هم ناتانیش قوراللی کیشیلر ننگرهار مرکزی جلالآباد شهریده اوچ واکسیناتور نی اوققه توتیب اولدیرگن ایدی.