اروپا اتفاقی افغانستان بولیمی، خلقارا تعلیم کونی مناسبتی بیلن ایتیشیچه، بیرلشگن ملتلر تشکیلاتینینگ تعلیم، بیلیم و مدنیت تشکیلاتی (یونسکو) همکارلیگیده، افغانستاننینگ تعلیم بولیمیگه تورت میلیون ۷۰۰ مینگ یورو اجرهتگن.
بو نهادنینگ بوگون (۴-دلو/ ۲۴-جنوری، شنبه)، اکس صحیفهسیده یازیشیچه، اوشبو یاردم افغانستان ده یاشلر و کتهلرگه سوادخوانلیک، تخنیک همده کسبی مهارتلرنی بیریش ساحهسیگه صرفلنهدی.
اروپا اتفاقی، افغانستان اهالیسینینگ قوللب-قوتلشگه تاکیدلب و کوپهیتیریشیچه، بیش ولایتده ییتی مینگ ۵۰۰ کیشی مذکور یاردملردن فایدهلنیشی ممکن.
بو بیلن بیرگه، بیرلشگن ملتلر تشکیلاتینینگ اعلام قیلیشیچه، تعلیم انسانی بیر حق بولگنی بیلن، بیراق مملکتلردن قطاریده عیاللر و قیزلر بو حقنی قولگه کیلتیریش اوچون تینگسیزلیک و چیتلشتیریلیش بیلن روپهره بولهدیلر.
بو نهاد، مملکتلردن یخشیراق کیلهجککه ایگه بولیش اوچون صفتلی تعلیمگه کینگ قمراولی فایدهلنیشنینگ تامینلشلرینی ایستهگن.
۲۰۱۸-ییل ۲۴-جنوری، بیرلشگن ملتلر تشکیلاتینینگ عمومی مجمعسی آرقهلی، تینچلیک و برقرار رواجلنیشنی تامینلشده تعلیمنینگ رولینی قدرلش مقصد، خلقارا تعلیم کونی صفتیده ناملنگن.
