افغانستان‌ده بیرلشگن ملتلر تشکیلاتی نینگ نماینده‌لیگی، بو مملکت‌ده کمبغل‌لر گه یاردم بیریش اوچون بودجه‌سی آزلیگیدن خواطر بیلدیرماقده اېکن، کمبغل عایله‌لردن بیرقطاری نینگ ایتیشلریچه، اوشبو یاردم‌لر گه سویه‌نیب تېریکچیلیک‌لری گه دوام بیریب کېلماقده‌لر.
غور یشاوچیسی ستاره و غزنی یشاوچیسی حمیدالله، هر بیری بیش و سکیز کیشی‌لیک عایله سرپرستی دیر سلام‌وطندار گه ایتیشلریچه، انسان پرورلیک یاردم‌لر کېسیلگن حالده، تېریکچیلیک احتیاج‌لرینی تامینلش اوچون قیینچیلیک بیلن دوچ بولیب و باشقه هېچ یوللری یوق.
کمبغل کیشیلردن ستاره گه کوره: «اوی‌ده باله‌لریم بیلن تېریکچیلیک قیلماقده‌من، اۉزیم و ۳ و ۴ باله‌م بیلن قالگن‌من، اۉزیم عایله سرپرستی من، باریب اوی‌لرده کېر یوه‌من، اون، یاغ و گوریچی‌میز یوق، کورسه‌تیلگن یاردم‌لر هم بیتگن، قیین احوال‌ده یشه‌ماقده‌میز.»
بیزلرنینگ فیسبوک صحیفه‌میزگه باش اورینگ!
شونینگدیک کمبغل کیشیلردن باشقه بیری حمیدالله نینگ ایتیشیچه: «عایله ده ییتّی و سکیز کیشی‌میز، اېسکی ینگی‌لشتیره‌میز، اجاره اوی‌ده یشه‌یپمیز، اوی اجاره‌سی اوچون بیر مینگ ۵۰۰ توله‌یمیز. هر کونی ۲۰۰ و ۳۰۰ ایشله‌یمیز بو پول هم اوی خره‌جت‌لری اوچون صرفلنه‌دی.»
عین‌حالده، بیرلشگن ملتلر تشکیلاتی نینگ انسان پرورلیک یاردم‌لرینی هماهنگ قیلووچی اداره (اوچا)، یوناما انسان پرورلیک یاردم‌لر اۉرین باسری نینگ تېکشریش گزارشینی قیته ترقه‌تیش بیلن ایکس اجتماعی ترماغی‌ده یازیشیچه، یاردم بیرووچی تشکیلات‌لر میلادی اوشبو ییل‌ده افغانستان‌ده محتاج کیشی‌لر گه یاردم بیریش اوچون احتیاجی بولگن بودجه‌دن یالغیز آلتی فایزینی قولگه کېریتگن.
یوناما اوشبو گزارش نینگ بیر بولیمیده، افغانستان‌ده کمبغل‌لرنی قۉللب-قوتلش اوچون احتیاج‌لر و بودجه آره‌سیده‌گی بوش‌لیکنی انسان پرورلیک یاردم‌لری گه دوام بیریش اوچون توسیق عنوان قیلگن.
بیزلرنینگ «ایکس» ترماغی ده هم تعقیب قیلینگ!
اوشبو گزارش نینگ بیر بولیمیده کېلیشیچه: «۲۰۲۴-ییل‌ده احتیاج سېزیلگن ۳.۶ میلیارد دالر دن یالغیز ۲۹۰ میلیون دالر یعنی آلتی فایز بودجه تأمینلنگن. بو انسان پرورلیک یاردم‌لرنی دوام اېتّیریش اوچون کتّه توسیق سنله‌دی، انسان پرورلیک یارم‌لرنی هماهنگ قیلووچی اداره دنیا همجمعیت‌دن مالی حمایت‌لری گه دوام بیریب و افغانستان خلقی گه بیرگن وعده‌لرینی عملگه آشیریش‌لرینی اېسته‌یدی.»
شو بیلن بیرگه، اقتصادی ایش بیلرمان‌لردن بیرقطاری نینگ ایتیشلریچه، بیرلشگن ملتلر تشکیلاتی نینگ نماینده‌لیگی و اسلام امیرلیگی دنیا همجمعیت نینگ یاردم‌لری گه زمینه یره‌تیش اوچون قۉشمه طرزده سعی‌وحرکت قیلیشی کېره‌ک.
یوناما ۲۰۲۴-ییل‌ده انسان پرورلیک یاردم‌لری گه دوام بیریش اوچون عین‌حالده بودجه تنقیص‌لیگیدن خواطر بیلدیرماقده، اسلام امیرلیگی ایچکی درآمدلردن قۉللنیب و نیازمندلر نینگ سانینی کمه‌یتیریش گه سعی‌وحرکت قیله‌یاتگنلرینی اېتگنلر.
