بغلان ولایتی مستوفیت مسئول‌لری نینگ ایتیشلریچه، اوتگن ۶ آی‌ده سابق دولت سقوطی و افغانستان اسلامی امارت حاکمیت گه ایریشگنیدن حاضرگچه، اوشبو اداره ۱۳۴ میلیون افغانی درآمد ییققن.
بغلان ولایتی مستوفی‌سی محمدنعیم ملنگ نینگ ایتیشیچه، اکثر درآمدلر مذکور ولایت نینگ پاسپورت مدیریتی، کان‌لر، ایکینچیلیک و چارواچیلیک ریاست‌لری تامانیدن توپلنگن.
بیزلرنینگ فیسبوک صحیفه‌میزگه باش اورینگ!
جناب ملنگ نینگ اورغولشیچه، اسلامی امارت مالیه وزیرلیگی نینگ ینگی فرمانی‌ده کیلیشیچه، ۱۳۹۰-ییل سالیق‌لری جریمه‌سی بیلن معاف دیر و ۱۳۹۰-ییل‌دن ۱۳۹۵-ییل سالیق‌لری ۵۰ فایز توللـه‌نیب و جریمه‌سی معاف دیر.
بغلان ولایتی مستوفی‌سی نینگ تأکیدلشیچه، ۱۳۹۶-ییل‌دن ۱۴۰۰-ییل سالیق‌لرینی توللمه‌گنلر، سالیق‌لرینی توللـه‌گن تقدیرده، معاف بولیش‌لری ممکن.
بغلان مستوفیت متصدی‌لری نینگ کوپه‌یتیریشیچه، اوشبو اداره درآمدلرینی ییغیش مقصدیده سعی-حرکت قیلماقده‌لر و قویاش اوشبو ییل یکونیگچه، اداره‌لری نینگ درآمدی نیچه برابر کوپه‌یشی ممکن
بیزلرنینگ توییترده هم تعقیب قیلینگ!
عین‌حالده، بغلان معلومات و مدنیت باشلیغی مصطفی هاشمی نینگ ایتیشیچه، اوتگن ۲۰ ییل‌ده اکثر کیشی‌لر ییغیلگن درآمدنی دولت خزینه‌سیده توللش اورنیده اوزلری آلر ایدیلر.
بغلان معلومات و مدنیت باشلیغی نینگ کوپه‌یتیریشیچه، اسلامی امارت قدرت‌نی قولگه آلیشی بیلن، اوشبو پول‌لر شفاف روشده دولت خزینه‌سیده توللنه‌دی.
