بغلان امنیتی مسئوللری نینگ ایتیش‌لریچه، طالبان گروهی مذکور ولایت مرکزی پلخمری شهریده‌گی امنیتی کوچلرنینگ پوسته‌لریدن بیری نی اوستیگه هجوم اویوشتیرگن کیم نتیجه‌ده، بیر قومندان ایکی عسکری بیلن هلاک بولگن.
امنیتی بیر منبع نینگ سلام‌وطندارگه ایتیشیچه، اوتگن کیچه (پنج‌شنبه ۲۹- عقرب) طالبان گروهی پلخمری شهری نینگ ایشیگی نی یقیین‌لیگیده‌گی بیر پوسته اوستیگه هجوم قیلگن.
اونگه کوره، مذکور هجوم ده باشقه ایکی عسکر یره‌لنگن.
اونینگ کوپه‌یتیریشیچه، طالبان بو پوسته نی اوت بیریب و اونینگ برچه حربی جهازلرینی اوزلری بیلن آلیب کیتگن.
بغلان پولیس قومندانی ویس صمیمی مذکور حادثه نی تصدیقلب ایتیشیچه، اوشبو هجوم ده ۵ طالب هلاک ایتیلگن.
او مذکور پوسته نینگ حربی جهازلری طالبان آرقه‌لی تالان ایتیلگنی نی رد قیلیب ایتیشیچه، بو پوسته حاضر امنیتی کوچلرنینگ نظارتی گه دیر.
