تخار ولایتی محلی مسئوللری، اوشبو ولایت ده یوز بیرگن ترافیکی حادثه عاقبتیده بیر باله هلاک بولگنیدن خبر بیره‌دیلر.
تخار امنیه قوماندان‌لیگی سوزلاوچیسی عبدالمبین صافی نینگ سلام‌وطندار گه ایتیشیچه، بوگون (سه‌شنبه، ۱۹ ثور) مذکور ولایت نینگ بنگی تومنی «سقاب» منطقه‌سیده، «روم» رسوملی بیر موتر، ۱۰ یاشر بیر باله نی سرک دن اوتیش چاغیده اوریب و نتیجه ده اوشبو باله هلاک بولگن. جناب صافی نینگ کوپه‌یتیریشیچه، واقعه گه دایر موتر هیداوچی قولگه آلینگن.
بیزلرنینگ فیسبوک صحیفه‌میزگه باش اورینگ!
شونینگدیک، بغلان امنیه قوماندان‌لیگی نینگ سوزلاوچیسی شیراحمد برهانی، بوگون قند بغلان فابریکه‌سی ۱۱_سرکی ده «کرولا» رسوملی بیر موتر بیلن ریکشا توقنشووی عاقبتیده، ریکشا هیداوچی هلاک بولگنیدن خبر بیرگن.
بغلان امنیه قوماندان‌لیگی نینگ سوزلاوچیسی گه کوره، واقعه طفیلی ریکشا هیداوچی دستلب یره‌لنیب و کسلخانه گه انتقال بیریش چاغیده یولگه جان بیرگن.
بیزلرنینگ توییترده هم تعقیب قیلینگ!
ایتیش کیره‌ک که، مملکت نینگ بیرقطار ولایت‌لریده سرک‌لر بوزوق‌لیگی و هیداوچیلر نینگ دقت‌سیزلیگی باعث، انده_سنده ترافیکی حادثه یوز بیریب و یشاوچیلردن قربان‌لیک آله‌دی.
