نیویورک تایمز نینگ گزارشی اساسیده، چیت ایل کوچلری افغانستان‌نی ترک ایتیش‌لری و اوشبو مملکت ده اسلامی امارت حاکم بولیشیدن کیین، میلیون‌لرچه اهالی اقتصادی بحران باعث مهاجر بولگن‌لر. گزارش گه اساس، اوشبو مملکت درآمدی یوقالیب، آچیلیک خوفی آشیب و مالی یاردم‌لر توخته‌تیلگن.
گزارش گه کیلیشیچه، ۲۰۲۱-ییل اکتوبر آی‌دن ۲۰۲۲-ییل جنوری اخریگچه یالغیز افغانستان نینگ جنوب غربی‌دن بیر میلیون‌دن آرتیق اهالی مهاجر بولگن. یاردم بیرووچی تشکیلات‌لر نینگ ایتیشلریچه، تخمینی روشده کونیده ۴ مینگ دن ۵ مینگ کیشی ایران مقصدیده افغانستان‌نی ترک ایته‌دیلر.
بیزلرنینگ فیسبوک صحیفه‌میزگه باش اورینگ!
نیویورک تایمز نینگ ایتیشیچه، بو مهاجرتلردن کوپینچه‌سی اقتصادی قیینچیلیک باعث صورت تاپگن؛ بیراق اسلامی امارت اقدام‌لری اینقسه عیال‌لر گه یره‌تیلگن چیکلاولر مملکت نینگ تیزلیککه ترک قیلیشی گه سبب بولگن.
افغانستان یشاوچیلریی نینگ مهاجرت موضوع‌لری نی تیکشیرووچیسی دیوید منسفیلد نینگ ایتیشیچه، افغانستان‌دن ایران و پاکستان تامان صورت تاپگن مهاجرت میزانی اوتمیش ییل گه قره‌گنده ۴ برابر کوپه‌یگن.
بیزلرنینگ توییترده هم تعقیب قیلینگ!
مذکور گزارش‌ده اورغولنگن که، افغانستان‌دن مهاجرت کوپه‌یگنی، منطقه و اروپا بوییچه هشدارلر نی اورته گه کیتیرگن و ۲۰۱۵ ییل‌ده سوریه یشاوچیلری نینگ میلیون‌لرچه مهاجرت فاجعه‌سی نی تکرار بولیشی خصوصیده قورقولر بار. گزارش‌ده ایتیلیشچه، بهار نینگ کیلیشی و یوللر نینگ مهاجرت اوچون قولای بولیشی بیلن، بو پروسه نینگ کوپه‌یشی ممکن.
عین حالده، اروپا بیرلشمه‌سی منطقه‌ده افغانستان‌دن مهاجرت فاجعه‌سی گه توسیق بولیش اوچون افغانستان و مهاجرلر میزبانی مملکتلری گه بیرمیلیارد دالر انسان دوستلیک یاردم سوز بیرگن.