سوداگرلیک و صناعت وزیرلیگی نینگ آماری اساسیده، سونگی ۱۸ آی‌ده هیچ قنده‌ی تیمیر یا-ده خام ماده مملکت گه کیلمه‌گن و افغانستان تیمیر ایشلب چیقاریش خصوصیده خود‌کفا‌لیککه ییتیشیب و کیله‌سی ییل تیمیر صادراتی پروسه‌سی جمله‌دن اورته آسیا گه باشلنیشی ممکن. سوداگرلیک و صناعت وزیرلیگی سوزلاوچیسی آخوندزاده عبدالسلام جواد نینگ سلام‌وطندار گه ایتیشیچه، افغانستان ده تیمیر ایریتیش سکتوری رواجلنگن و شونینگدیک ایشلب چیقاریلگن تیمیر‌لر کیفیتی هم کوپه‌یگن دیر.
سابق دولت‌ده افغانستان گه کوپینچه تیمیر وارد بولیب و تیمیر پارچه‌لری تشقی گه قاچاق بوله‌ر ایدی. جنوب‌ده اسپین‌بولدک چیگره یولی و جنوب‌شرق‌ده «غلام‌خان» یولی پاکستان گه تیمیر قاچاق بوله‌دیگن اینگ اونملی یول‌‌لردن ایدی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، سوداگرلیک و صناعت وزیرلیگی مسئوللری افغانستان گه تیمیر وارد بولمه‌یشی و اوشبو مملکت‌دن تشقی گه تیمیر قاچاق بولینمه‌یشی، تیمیر ایریتیشی کوپه‌‌یشی گه سبب بولگن دیب ایتیشیچه، اسلام امیر‌لیگی اوتگن ییل صناعت و ایشلب چیقاریش رواجلنیشی مقصدیده، تیمیر پارچه‌لری نینگ صادر بولیشی‌دن توسیق بولگن.
بیزلرنینگ توییترده هم تعقیب قیلینگ!
شو بیلن بیرگه افغانستان تیمیر ایریتیش ایش‌خانه‌لر بیرلشمه مسئوللری نینگ ایتیش‌لریچه، حاضر ایسه مملکت بویلب ۴۲ تیمیر ایریتیش ایش‌خانه موجود دیر که، بو آره‌ده کابل ده ۱۴ ایش‌خانه فعال بولیب و مذکور ایش‌خانه‌لرده آهن‌گادر، انگلارن، سیخ‌گول، سی‌آیرن و چینل ایشلب چیقاریله‌دی. مذکور بیرلشمه مسئوللری گه کوره، قریب ۶۰۰ میلیون دالر تیمیر ایریتیش بولیمیده سرمایه یاتقیزیلگن و هر ایش‌خانه کونده ۴۰ تن تورلی تیمیر تولید قیلیش قادر.
