افغانستان تیمیر یولی اداره‌سی مسوللری، قزاقستان‌لیک بیر کمپنیه بیلن حیرتان_مزارشریف تیمیر یولی لایحه‌سینی تعمیرلش شرطنامه‌نی امضاله‌دی.
مسئوللر گه کوره، اوشبو قرارداد ایکی ییل‌لیک دیر و «منصور فاتح» کمپنیه‌سی، اوشبو مدتگچه حیرتان_مزارشریف تیمیر یولینی ۸ میلیون ۳۷۵ مینگ ۶۶۴ امریکالیک دالر عوضی گه تعمیرلشگه مکلف دیر.
تیمیر یولی اداره‌سی سرپرستی بخت‌الرحمان شرافت گه کوره: «حاضر افغانستان و قزاقستان ده نماینده‌لیگی بولگن کمپنیه بیلن شرطنامه امضالندی، اوشبو کمپنیه حیرتان_مزارشریف تیمیر یولینی تعمیرله‌یدی عوضی گه اسلام امیرلیگی تامانیدن پول آله‌دی.»
بیزلرنینگ فیسبوک صحیفه‌میزگه باش اورینگ!
بوندن آلدین، حیرتان_مزارشریف تیمیر یولینی تعمیرلش مسئولیتی، اوزبیکستان‌لیک بیر کمپنیه زمه‌سیگه ایدی.
تیمیر یولی اداره‌سی مسئوللری نینگ ایتیشلریچه، قراردادی یوقاری‌لیگی و خدمت کورسه‌تیش قسمیده‌گی قیینچلیک باعث اوزبیکستان‌لیک کمپنیه بیلن لایحه تمدید بولمه‌ی و قزاقستان‌لیک کمپنیه بیلن شرطنامه امضالنگن.
منصور فاتح کمپنیه اورین باسری بیسین مخانوف نینگ ایتیشیچه: «حاضرگچه اساسی آست قورمه گه ایگه بولمه‌گن افغانستان نینگ تیمیر یولی ینگی‌لیگی اوچون، تیمیر یولی ایشلری بوییچه تجربه‌لی قزاقستان‌لیک بیر کمپنیه بیلن شرطنامه امضاله‌دیک، بونگه اساس افغانستان گه مسلکی ایشلاوچی کیلتیریب و افغانستان ایشلاوچیلرینی اورگته‌میز.»
بیزلرنینگ توییترده هم تعقیب قیلینگ!
حیرتان بندری ده، حیرتان_مزارشریف تیمیر یولی افغانستان نینگ سوداگرلیک مهم بندرلریدن سنله‌دی، تیمیر یولی اداره‌سی نینگ معلوماتی اساسیده، اوتگن آلتی آی ده قریب ۱.۴ میلیارد افغانی درآمد ییغیلگن.
مسئوللر گه کوره، خواف_هرات تیمیر یولیدن سوداگرلیک توارلرنی انتقال بیریش اوچون تیارگرلیکلر کوریلگن، یقینده ایران حکومتی بیلن کیلیشوودن کیین بو ییلدن توارلرنی انتقال بیریش ایشی باشلنه‌دی.
