بوگون کابل ده امنیتی رسمی‌لردن قطاری خبری بیر ییغین اوتکزیش بیلن ترورچیلیک نی جدی تهدید دیب و ایتیش‌لریچه، امنیتی کوچلر اهالی و توپراق‌لریدن مدافعه قیله آله‌دی.
ملی خوفسیزلیک عمومی ریاست باشلیغی احمدضیا سراج نینگ ایتیشیچه، ترورچیلیک گروه‌لرنینگ عنصرلری و قالدیقلری حاضر هم افغانستان ده فعال دیر و مذکور گروه فعالیت‌لری افغانستان، منطقه و دنیا نی جدی تهدید قیله‌دی. جناب سراج گه کوره، ترورچیلیککه قرشی کوره‌ش اوچون، اولر سی‌آی‌ای و باشقه تشکیلاتلر بیلن علاقه گه دیر.
عین حالده، جمهوررئیس ملی خوفسیزلیک مصلحتچیسی حمدالله محب نینگ ایتیشیچه، طالبان یلغان غرور بیلن، اوروش یولیدن افغانستان گه حاکم بولیش‌لرینی توشونه‌دی. او طالبان گروهیدن افغانستان اهالیسی نینگ تینچلیک طلب سیس‌لریگه ایجابی جواب بیریش‌لرینی سوره‌گن. جناب محب گه کوره، استانبول ییغینی کیچیکتیریلگنی طالبان نینگ تینچلیک ایستمه‌یشلری و اوروش ایسته‌یشلرینی کورسته‌دی.
شونینگدیک ایچکی ایشلر وزیرلیگی سرپرستی حیات‌الله حیات، مذکور ییغینده امنیتی کوچلر اولکه و توپراغ‌لریدن مدافعه قیلیش اوچون تیاگرلیک‌لری اوستیگه اورغوله‌گن.
بوندن آلدین چیت‌ایللیک کوچلر چیققنیدن کیین مملکت امنیتی وضعیتی و عملیاتلر قنده‌ی یولگه قوییلیشی توغریسیده خواطرلر بار ایدی، بیراق حاضر چیت‌ایللیک کوچلرنینگ چیقیش زمانی گه کم قالگن بیرحالده، بو خواطرلر کوپه‌یگن.