سونگی ییل‌لرده مملکتده ناتینچلیک و ایش‌سیزلیک باعث، ناقانونی مهاجرلیک میزانی کوپه‌یگن.
۲۷ یاشر نور ولی اعتماد، پکتیا ولایتی نینگ یشاوچیسی دیر. او عالی اوقووی نی یکونلنتیرگندن کیین، قشاق‌لیک و ناتینچلیک باعث اروپالیک مملکتلر تامان یول آلیش گه قرار قیلگن.
نور ولی نینگ ایتیشیچه، قانونی یول آرقه‌لی سفر قیلیش گه پولی یوق ایکن و شو یوزه‌دن قطار اورتاق‌لری بیلن، ناقانونی مهاجرلیک آرقه‌لی اروپالیک مملکتلر تامان سفر قیلیش گه زورلنگن.
نور ولی گه کوره، او و اونینگ اورتاق‌لری بیرینچی ده بلوچستان آرقه‌لی ایران بارگنلر و او ییردن ترکیه، یونان، مقدونیه، صربستان، بوسنیا، کرواسی، ایتالیا و کیین ایسه فرانسه مملکتی گه ییتیشگن.
نور ولی اعتماد تورلی مملکت‌لرده کوپینچه قیینچلیکلر بیلن دوچ کیلگن. اونینگ ایتیشیچه، او و اونینگ اورتاق‌لری کوپ آچ‌لیک و سووسیزلیککه روپه‌رو بولگن.
نور ولی گه کوره، بوزوغ و خوفلی یوللر آرقه‌لی ۱۰ کیشی جای بوله‌دیگن موتر گه ۳۰ کیشی مینیب، سفر قیلیشگن و شونینگدیک اولر بو یوللرده، کوپینچه قیینچلیکلرنی کوریب و اوغیرلاوچیلر بیلن دوچ کیلگنلر.
نورولی نینگ کوپه‌یتیریشیچه، ترکیه دن جونه‌گن بیرحالده، قاچاقچیلر ۳۰ نفر سیغه‌دیگن قایققه ۱۵۰ کیشی نی جایلشتیرگن و بو قایق نینگ ۹۵ فایز غرق بولیش احتمالی بار ایکن.
«مذکور قایق ده مین اوزیم سفر قیلگن‌من. ۳۰ کیشی جای بوله‌دیگن قایققه، قاچاقچیلر ۱۴۰ – ۱۵۰ کیشی نی جای قیله‌دی. بونده‌ی بیر قایققه مینیب سفر قیلیش نی ۹۵ فایز اولیم احتمالی بار. مین اوز کوزیم بیلن کوردیم.»
نور ولی اعتماد حاضر فرانسه گه ییتیشگن؛ بیراق حاضرگه ایش تاپه آلمه‌گن.
اونینگ ایتیشیچه، افغانستانلیک مهاجرلردن قطاری اروپالیک مملکتلرنینگ رسم و رواجی و شونینگدیک تیلی گه آشنا بولمه‌گنلیک‌لری باعث، کوپینچه قیینچیلیکلرگه دوچ کیله‌دیلر، نهایتده اولردن قطاری روحی کسل‌لیکلرگه چلینه‌دی.
پکتیا مهاجرلر ریاست باشلیغی عبید مرهونی نینگ ایتیشیچه، اوروش، ناتینچلیک، ایش‌سیزلیک و اقتصادی قیینچلیکلر، افغانستانلیک ییگیت‌لری نینگ ناقانونی مهاجرلیککه یول کیلتیریش‌لریگه سبب بولگن.
اونینگ ایتیشیچه، ناقانونی مهاجرلیک ییگیت‌لردن کوپینچه‌سی نینگ حیاتی نی اولیم گه روپه‌رو قیلگن.
جناب مرهونی افغانستانلیک ییگیت‌لردن، قاچاقچی‌لرنینگ سوزلریگه اَلدنمه‌ی و اوز مملکت‌لریگه ایش قیلیش‌لرینی سوره‌یدی.
باشقه بیر تاماندن اجتماعی ایش بیلرمانلرنینگ ایتیش‌لریچه، افغانستان ده ناتوغری رسم و رواج و شونینگدیک مهریه نینگ کوپلیگی باعث، ییگیتلر پول قولگه کیلتیریش اوچون قیین و خوفلی یول‌لردن اوتیش بیلن، اوزلری نی تشقی مملکتلر ییتکیزه‌دیلر.
اجتماعی ایش بیلرمان ساحل منگل نینگ ایتیشیچه، اجتماع ده ناتوغری رسم و رواجلر حقیده ذهنیت قوریلگن صورتده، ناقانونی مهاجرلیک میزانی کمه‌یشی ممکن.
افغانستان یالغیز ییگیتلر ناتینچلیک باعث ناقانونی مهاجرلیک آرقه‌لی اولکه نی ترک قیلمه‌یدی بلکیم، اوروشلر باعث میلیون‌لرچه افغانستانلیک مهاجر ایران و پاکستان ده حیات کیچیریب و قیین کون‌لرنی اوتکزماقده.
