قندوز، مملکت شمال – شرقیده جایلشگن ناتینچ ولایت‌لردن بیری دیر. اوشبو ولایت سونگی ییللرده ایکی مرته طالبان نظارتیگه اوتگن. اوشبو ولایتده‌گی دواملی اوروش و ایش سیزلیکلر سبب، یوزلرچه ییگیت مملکت‌نی ترک قیلیش‌گه مجبور بولگنلر.
سونگی ییللرده، ناتینچلیک، ایش‌سیزلیک و تحصیل زمینه‌سی بولمه‌گنی باعث، کوپ قطار یاش‌لری ناقانونی شکلده مملکت‌نی ترک قیلگن و اولرنی قیغولی حکایه‌لری بار.
اوشبو یاش‌لردن بیری ۲۴ یاشیده بولگن عبدالله صالح زی دیر.
عبدالله مکتب‌نی قندوز ولایتیده اوقیب بیتیرگنیدن کیین کانکور سناویگه قتنشیب، کابل تکنالوژی و کمپیوتر انستیتوتیگه یول تاپگن و اوشبو انستیتوت نی اوقیب بیتیرگن.
مملکتده شدتلی اوروش‌لر دوام قیلگنی و اقتصادی قیین‌چیلیکلر باعث، او تحصیل‌گه دوام بیریش همده ایش تاپیش اوچون ناقانونی مهاجرلیک آرقه‌لی ایران اولکه‌سیگه سفر قیلگن و ایران اولکه‌سیدن ترکیه جمهوریتی‌گه بارگن.
اوشبو ییگیت بوندن بیر یریم ییل آلدین ناقانونی مهاجرلیک آرقه‌لی ایران اولکه‌سیگه بارگن. ایران اولکه‌سیده تورت آی قالگنیدن کیین، ترکیه جمهوریتی‌گه بارگن، لیکن ترکیه جمهوریتی‌گه باریش بیلن نه فقط هدف‌لریگه ایریشه آلمه‌گن، بلکیم تحصیل قیلیشدن محروم قالیب، افغانستان‌گه قیتیب کیلیشده مجبور بولگن. صالح زی نینگ وضعیتی حاضر یخشی بولگن، صالح زی تحصیلی‌گه دوام بیره‌دی و خصوصی مکبت‌لردن بیریده اوقیتووچی‌لیک قیله‌دی.
عبدالله نینگ ناقانونی مهاجرلیک قیین‌چیلیکلری حقیده سلام‌وطندارگه ایتیشیچه، او، یول‌لرده قورقینچ‌لی واقعه‌لرگه گواه بولگن، انسان قاچاقچی‌لری عبدالله و یولداشلریدن پول آلگن و پولدن تشقری کوپینچه اذیت هم قیلگنلر.
«قندوز ولایتیده وضعیت جوده یمان بولگن، بیر تاماندن اوروش و ناتینچلیک و باشقه بیر تاماندن هم ایش‌سیزلیکلر سبب، کابل کیلدیم. کابل مرکز بولگن و ایش تاپیشیم ممکن دیب اویله‌دیم، لیکن ایش تاپیشده قادر بولمه‌دیم. اولکه دن چیقیش‌گه قرار آلدیم، تشقی اولکه‌لرده هم ایش قیلیب و تحصیلیم‌گه دوام بیریش نی ایسته‌دیم.»
عبدالله نینگ سوزیگه کوره، انسان قاچاقچی‌لری اوزی همده یولداشلری بیلن حیوان دیک رفتار قیلگنلر و حتا کیچیک باله‌لر بیلن هم یمان رفتار قیلگنلر.
«جوده تار تونللردن اوته‌دیگن پیتیمیزده ترکیه نینگ پولیس کوچلری کیلدی، قطار دوستلریم قاچدیلر، ایکی ته سی اوشلندی، قطاری هم تیکانلی سیم گه تاقیلیب قالدی. ایشان نینگ که قوللری نینگ گوشتی چیقن ایدی و ترکیه پولیس کوچلری اوشله‌گن دوستلریم نی جوده یمان اوردی، کوزلری کوکه‌ریب کیتگن ایدی. پول، پاسپورت، کیم و باشقه ملزمه‌لرینی اوتگه تارتدیلر، حتی عیاللرنی کلتک‌له‌دیلر، کوپ شفقت سیز ایکنلر.»
عبدالله نینگ سوزیگه کوره، کوپینچه قیین‌چیلیکلردن کیین، ترکیه پولیس کوچلری تامانیدن ایران چیگه‌ره‌سیدن اوشلنیب، افغانستان گه یوباریلگن.
عبدالله، ناقانونی مهاجرلیک یولی بیلن اروپا اولکه لریگه کیتیش هدفده بولگن برچه ییگیتلردن، ناقانونی سفر قیلمسلیک لرینی سوره‌گن.
NRC یاده ناروی نینگ مهاجرلیک هیات دفتریده‌گی ایش بیلرمان ماتی بگشی گه کوره، ایران و ترکیه اولکه‌لریدن رد بوله دیگن مهاجرلر بیلن هرات نینگ اسلام‌قلعه چیگه‌ره‌سیده و نیمروز نینگ میلک چیگه‌ره‌سیده اوچره‌شه‌دیلر.
جناب بگشی نینگ ایتیشیچه، حمل آیدن بویان قندوز ولایتیده مهاجرلیککه قول اوره دیگنلر رقمی کوزگه کورینرلی صورتده آرتگن.
قندوز ولایتی مهاجرلیک ریاستی نینگ باشلیغی غلام سخی رسولی گه کوره، اوتگن بیر ییل جریانیده ۱۰ مینگ و ۷ کیشی قندوز ولایتیگه قیتیب کیلگن و قیتیب کیلگنلر نینگ ۷۴۵ ته سی عایله سی بیلن و ۹ مینگ و ۲۶۲ ته سی انفرادی شکلده کیلگنلر.
جناب رسولی نینگ سوزیگه کوره، مملکت گه قیتیب کیلگن ۱۰ مینگ کیشیدن ۵۰۰ عایله گه دنیا مهاجرلیک تشکیلاتی IOM دفتری هماهنگ لیگی و قطار نهادلر یاردمی بیلن آذیق اوقات و پول یاردم ایتیلگن.
قندوز مهاجرلیک ریاستی باشلیغی نینگ سوزیگه کوره، باشقه مهاجرلرگه یاردم ییتیب کیلمه گنی خصوصده، کرونا ویروسی کوپه‌یگنی نی، یاردم سیور نهادلر فعالیتی نی توختت گنلری نی، اوروش و ناتینچ‌لیکلر دوام ایته یاتگنی نی دلیل قیلیب، لیکن یقین کیله جکلرده قالگن عایله لرگه هم یاردم توزیع بوله دی.
