اوتگن کون ایرتنگ چاغی پکتیکا و خوست ولایت‌لریده یوز بیرگن زلزله عاقبتیده، ۱مینگ‌دن آرتیق کیشی هلاک و کمیده ۱۵۰۰ کیشی یره‌لنگن و شونینگدیک اوشبو زلزله نتیجه‌سیده، یوزلرچه یشش اوی تخریب بولیب و اهالی گه کوپینچه مالی و جانی زیان ییتیشگن.
پکتیکا محلی مسئوللری نینگ ایتیش‌لریچه، اوشبو زلزله نتیجه‌سیده زیان کورگن ۲ مینگ عایله عاجل یاردم‌لر گه نیازلری بار.
پکتیکا معلومات و مدنیت ریاست رئیسی محمدامین حذیفه نینگ ایتیشیچه، خلق‌ارا و ایچکی نهادلر تامانیدن یوباریلگن یاردم‌لر، اوشبو ولایت‌ده زیان کورگن کیشیلر گه ییترلی ایمس. اونگه کوره، یشش اویلر نینگ تخریب بولگنی باعث، اهالی باش‌پناه، ییمک و باشقه دستلبکی ماده‌لر گه جدی نیازلری بار.
بیزلرنینگ توییترده هم تعقیب قیلینگ!
باشقه بیر تاماندن، پکتیکا ولایتی گیان تومنی یشاوچیلری نینگ ایتیش‌لریچه، اوتگن کون ایرتنگ چاغی یوز بیرگن زلزله باعث، بیر قطار کیشی نینگ عایله‌لری هلاک و یره‌لنگن.
اولر نینگ ایتیش‌لریچه، حاضرگچه دولت یا-ده یاردم بیرووچی نهادلر تامانیدن هیچ بیر یاردم قولگه کیلتیرمه‌گنلر و عیال‌لر و باله‌لر باش‌پناه یوقلیگی باعث، درخت‌لر آستیده حیات کیچیره‌دیلر.
شونینگدیک خوست ولایتی سپیری تومنی یشاوچیلری نینگ ایتیش‌لریچه، حاضرگچه هیچ قنده‌ی کمک قولگه کیلتیرمه‌گنلر و اهالی جدی بیر شکلده عاجل یاردم گه نیازلری بار. اولر نینگ کوپه‌یتیریش‌لریچه، تیزلیککه زیان کورگنلر گه خیمه و ییگولیک ماده ییتیشمه‌گنی صورت‌ده، باله‌لر نینگ آچلیکدن هلاک بولیشی ممکن.
بیزلرنینگ فیسبوک صحیفه‌میزگه باش اورینگ!
عین حالده، خوست معلومات و مدنیت ریاست رئیسی بشیراحمد عثمانی، زیان کورگن منطقه‌لر گه یاردم ییتیشمه‌گنی نی قبول قیلیب، بیراق ایتیشیچه، دستلبکی یاردم‌لر بوگون اوشبو منطقه‌لر گه ییتیشیشی ممکن.
ایتیش کیره‌ک که، پکتیکا و خوست ولایت‌لری ده یوز بیرگن سونگی زلزله‌لردن کیین، اهالی گه کوپینچه مالی و جانی زیان ییتیشگن و انه شوو سبب، ولایت‌لردن قطاریده یاردم توپلش کمپاین‌لر باشلنگن. شونینگدیک مملکت‌لردن قطاری یاردم بیریش خصوصیده تیارگرلیک بیلدیرگنلر و مملکت‌لردن بیر قطاری ایسه یاردم بیریش پروسه‌سی نی باشلگنلر.