اوتگن کیچه ساعت ۹ اطرافیده کابل و باشقه بیرقطار ولایت‌لر طالبان نینگ وقفه‌سیز اوق آتیش‌لر‌یگه گواه ایدیلر. گزارش‌لرگه کوره، طالبان تامانیدن آتیلگن اوق‌لر عاقبتیده، کابل ده ۲ کیشی هلاک و باشقه ۳ کیشی یره‌لنگن.
شونینگدیک، ننگرهار ولایتیده طالبان تامانیدن آتیلگن هوایی اوق لر نتیجه‌سیده، ۱۷ کیشی هلاک و یره‌لنگنلر.
بیزلرنینگ فیسبوک صحیفه‌میزگه باش اورینگ!
کابل یشاوچی‌لری نینگ ایتیش‌لریچه، طالبان تامانیدن آتیلگن اوق‌لر اهالینی خواطرلنتیرگن و مذکور اوق‌لرنینگ نیمه اوچون آتیلگنی حاضرگه‌قدر بیللی بولمه‌گن.
باشکنت یشاوچی‌لریدن صدف و حبیب نینگ ایتیشیچه، آتیلگن اوق‌لر نینگ سیسی برچه‌نی وحشت‌گه تشلگن و اولر حیات‌ده قالیش اوچون تینچ مکان‌ده پناه کیچیریش‌گه مجبور بولگنلر.
طالبان گروهی اوتگن کیچه صورت تاپگن واقعه‌نی قاره‌لب و بوندن سونگ، بونده‌ی واقعه تکرار بولمه‌یشیدن ایشانچ بیرگن.
طالبان نینگ فرهنگی کمیسیونی عضوی انعام‌الله سمنگانی نینگ ایتیشیچه، اهالی‌گه زیان یتیشتیرگن کیشی‌لر تیزلیککه تانیلیب و جزالنتیریله‌دی.
جناب سمنگانی نینگ کوپه‌یتیریشیچه، پنجشیر ولایتی نینگ بیرقطار منطقه‌لرینی طالبان نظارتی‌گه اوتگنی توغریسیده خبرلر کیلگن ایدی و انه‌شوو باعث، طالبان نینگ بیرقطار اعضالری هوایی اوق آتگن.
بیزلرنینگ فیسبوک صحیفه‌میزگه باش اورینگ!
کابل طالبان قولی‌گه سقوط قیلگنیدن سونگ، بو ایکینچی مرته دیر کیم بو گروه اعضالری شادیانه اوق آته‌دیلر. اوتگن هفته آمریکا کوچلرنینگ افغانستان‌نی ترک قیلگنی باعث، طالبان تامانیدن کابل هوایی اوق آتیلگن ایدی.