سلام‌وطندار اختیاریده بولگن ویدیو گه کوره، فواید عامه وزیرلیگی نینگ قطار ایشلاوچی‌لری اوشبو وزیرلیک بناسی اونگیده توپلنیب، وزیرگه قرشی شعار بیره دیلر، لیکن پولیس کوچلر ناراضچی‌لر اوستی گه اوق آتیب و ناراضچی‌لر وزیرلیک بناسی یقینی گه کیلیش ده توسیق بوله دیلر.
اوشبو ناراضلیک نمایش اوتگن هفته پنج شنبه کونی، فواید عامه وزیرلیگی نینگ ۱۲ و ۱۴ صنف نی اوقیب بیتیرگن ایشلاوچی‌لری تامانیدن، ایشلریدن آلینگنلری اوچون اوتکزیلگن.
حقوق بولیمی نی اوقیب بیتیرگن و فواید عامه وزیرلیگی نینگ ایشلاوچیسی سید مجتبی سادات نینگ ایتیشیچه، وزیر نینگ بویروغی بیلن ۱۲ – و ۱۴ – صنف نی اوقیب بیتیرگن، لیکن بولیمی گه قرشی بست‌لرده ایش قیله‌دیگن ایشلاوچی‌لر ایشدن آلینیشی لازم. لیکن ایشلاوچی‌لر ایچیده ۲۰ – ۲۵ ییللیک تجربه سی بولگن کیشی‌لرهم بار.
جناب سادات نینگ سوزیگه کوره، ایسکی زمان لرده تشقی اولکه‌لیک مهندس‌لر یوقاری آیلیک بیلن اوشبو وزیرلیککه ایشگه آلینر ایدی، لیکن حاضر افغان‌لر کوچلنگنلر وزیرلیک نینگ برچه ایش‌لرینی انجام بیریشده قادر بولگن‌لر، بیراق وزیرلیک ایسه اوشبو ایشلاوچی‌لرنی ایشدن آلیشده تلاش قیله دی.
ناراضچی‌لر باشقه بیرته‌سی نینگ ایتیشیچه، وزیر ایشدن آلینگنی گه قدر ناراضلیک‌لریگه دوام بیره‌دیلر، وزیر نینگ آلگن قراری یوزلرچه کمبغل و قشاق عایله نینگ سفره‌سی بوش قالیشده سبب بولیشی ممکن.
اوشبو ناراضچی‌لر نینگ سوزیگه کوره، فواید عامه وزیرلیگی نینگ مسؤل‌لری ایشلاوچی‌لر نینگ ایش تجربه‌سینی و ظرفیتی نی نظرگه آلمسدن، ایشدن چیقاریش نی ایسته یدیلر، ایشلاوچی‌لر نینگ هربیریده ۲۰ – ۲۵ ییللیک ایش تجربه‌سی بار.
انه‌شوحالده کابل پولیس قومندانلیگی سوزلاوچیسی فردوس فرامرز نینگ ایتیشیچه، اوشبو ناراضلیک پولیس کوچ‌لری بیلن هماهنگ بولینمسدن صورت تاپگن و ناراضچی‌لر بیرینچی دن پولیس کوچ‌لریگه هجوم قیلگن‌لر.
جناب فرامرز نینگ ایتیشیچه، پولیس کوچ‌لری هوا گه اوق آتیش بیلن ناراضچی‌لر قره‌مه قرشیلیگی نینگ اونگی نی آلیشده تلاش قیلگن.
بوندن آلدین معارف وزیرلیگی نینگ قطار ایشلاوچی‌لری ایشدن آلینگنی حقیده خبرلر ترقه‌تیلگن بیرحالده، فواید عامه وزیرلیگی نینگ ایشلاوچی‌لر ناراضلیک نمایش اوتکزگنلر. ایتیش لازم که کان‌لر و پترولیم وزیرلیگی نینگ قطار ایشلاوچیسی هم تحصن خیمه‌سینی قورگنلر.
