صناعت و سوداگرلیک وزیرلیگی نینگ اعلان قیلیشیچه، قندوز سپین‌زر ایشخانهسی ۲۵ ییلدن سونگ، قیته‌دن فعالیت‌گه باشلگن.
صناعت و سوداگرلیک وزیرلیگی نینگ بیر اعلامیه آرقه‌لی ایتیشیچه، سپین‌زر ایشخانهسی ۱۲۰ مینگ دالر سرمایه یاتقیزیش بیلن قیته‌دن فعالیت‌گه باشله‌گن. اعلامیه گه کوره، قندوز سپین‌زر ایشخانه‌سیده بیر کیچه و کندوز ده ۱۰ تُن یاغ ایشلب چیقاریش ظرفیتی بار. اوشبو ایشخانه‌ده زغیر، کنجد و چیگیت یاغی چیککه‌سیده صابون هم ایشلب چیقاریله‌دی.
اعلامیه‌ده ایتیلیشیچه، قندوز سپین‌زر ایشخانه‌سیدن تولید قیلینه‌دیگن یاغ اوشبو ولایت نیازلرینی رفع قیلیب و باشقه ولایت‌لرگه هم عرضه قیلینه‌دی.
اوتگن ییل حوت آیده مالیه وزیرلیگی، قندوز سپین‌زر دولتی شرکتی نینگ فعالیتی قیته‌دن باشله‌نیشی اوچون یاغ ایشلب چیقاره‌دیگن ۵ اسکونه اوزبیکستان دن ساتیب آلینگنیدن خبر بیرگن ایدی.
قندوز سپین‌زر شرکتی ۱۳۱۴- ییل ده «شمالی شرکتی» نامیده ایجاد ایتیلدی و اوندن سونگ، ۱۳۳۹- ییل ده سپین‌زر شرکتی نامیده قوییلدی. اوشبو شرکتده یاغ و صابون تولید قیلینه‌ریکن، بیراق ایچکی اوروش‌لر سبب، اوشبو شرکت تخریب و ایشلاوچی‌لری ایش‌سیز بولگن.
