مملکت تشقی ایشلر وزیرلیگی پاکستانلیک رسمیلر تامانیدن «تینچلیک بوزوچی‌لری» اصطلاح‌سی قوللنیلگنی گه عکس‌العمل کورسه‌تیب و ایتیشیچه، «افغانستان ده قان توکیش گه دوام بیره‌دیگنلر، تینچلیک بوزوچی‌لری دیر.»
مذکور وزیرلیک بوگون (جمعه ۱۴- جوزا) بیر خبرنامه ترقه‌تیب ایتیشیچه: «تینچیلک بوزوچی‌لری توغریسیده پاکستانلیک رسمی‌لری نینگ سونگی بیاناتی گه عکس‌العمل، افغانستان تشقی ایشلر وزیرلیگی بونی آچیقله‌یدی که تینچلیک اوچون دنیا و افغانستان اهالیسی نینگ ایسته‌گی گه رد جواب بیریب و قان توکیش گه دوام بیره‌دیگنلر، تینچلیک بوزوچی‌لری دیر.»
بیزلرنینگ فیسبوک صحیفه‌میزگه هم باش اورینگ!
مذکور وزیرلیک نینگ کوپه‌یتیریشیچه، افغانستان تینچلیگی گه که منطقه مملکت‌لری اینیقسه پاکستان نینگ فایده‌سی هم اونگه باغلیق دیر، یالغیز اعلامیه و بیانیه صادر قیلیش بیلن تأمینلنمهیدی.
- پاکستانلیک پارلمانی هیأت امنیتی قیینچیلیکلر باعث قیته پاکستان بارگن
- غنی پاکستان گه: تینچلیک تأمین‌لنیشی گه همکارلیک قیلمه‌سنگیز، دنیا بوییچه منزوی بوله‌سیز
- افغانستان، پاکستاندن زوروانلیک‌نی کمه‌یتیریش اوچون طالبان اوستیگه فشار کیلتیریشی‌نی سوره‌گن
- افغانستان توپراغیدن پاکستان گه قرشی استعمال بولیشی حقیده‌گی ادعا کابل تامانیدن رد بولدی
ایتیش کیره‌ک که اوچ کون آلدین پاکستان تشقی ایشلر وزیری شاه‌محمود قریشی مذکور مملکتده، افغانستان نماینده‌لر کینگش باشلیغی میررحمان رحمانی بیلن اوچره‌شیب، افغانستان ایچیده و تشقری‌سیده تینچلیک بوزوچی‌لری نینگ نقشی برابریده هوشیار بولیش کیره‌ک دیگن ایدی.
بیزلرنینگ توییترده هم تعقیب قیلینگ!
مملکت تشقی ایشلر وزیرلیگی نینگ خبرنامه‌سیده کیلیشیچه، افغانستان یشاوچی‌لری و دنیا دایمی تینچلیککه ایریشیش و تینچلیک معنالی سوزلشوولری باشله‌نیشی اوچون پاکستان نینگ عملی و نتیجه‌لی اقدام نی کوتیب تورگن.
مملکت تشقی ایشلر وزیرلیگی مذکور خبرنامه نینگ اداغیده اورغولشیچه، بونده‌ی حساس بیر باسقیچ ده عیبلاو وارد قیلیش یخشی ایمس و بو افغانستان و منطقه نینگ تینچلیگی نی فایده‌سیگه تمام بولمه‌یدی.