بیرلشگن عرب امیرلیگی انسان‌سیورلیک یاردملری آقیمیده بوگون ینه بیر مراتبه افغانستان یشاوچیلریگه ۳۰ تُن ییگولیک ماده یاردم بیرگن.
اسلامی امارت معلومات و مدنیت وزیرلیگی نینگ نشرات معینی ذبیح‌الله مجاهد اوشبو یاردملرنی خوش قرشی‌لب ایتیشیچه، بیرلشگن عرب امیرلیگی نینگ انسان‌سیورلیک یاردملری افغانستانده دوام ایتیشی ممکن.
بیزلرنینگ توییترده هم تعقیب قیلینگ!
مجاهد نینگ تأکید قیلیشیچه، اوشبو یاردملر اوتمیشلر کبی قشاق – کمبغل عایله‌لرگه عدالت و برابرلیک نظرده توتیلیب ترقه‌تیلیشی ممکن؛ بیراق اونینگ ایتیشیچه؛ خلق‌ارا تشکیلات‌لر تامانیدن توزیع قیلینه‌یاتگن انسان‌سیورلیک یاردملر نینگ ترقه‌تیلیشیده قیینچیلیگی بار و اولر اوشبو قیینچیلیکلرنی حل قیلیش اوچون سعی و حرکت قیلماقده‌لر.
شونده‌ی بیرحالده، قشاق و کمبغل کیشیلردن قطاری انسان‌سیورلیک یاردملر اولرگه ییتمه‌گنیدن شکایت قیلیب ایتیشلریچه، حاضرگچه اسلامی امارت تامانیدن هیچ قنده‌ی یاردم قولگه کیلتیرمه‌گنلر.
اولر اقتصادی وضعیت‌لری یاانلیگیدن حکایت قیلیب ایتیشلریچه، اسلامی امارت افغانستانده حاکمیت‌گه ایریشگنی دن بویان اولرگه ایش زمینه‌سی فراهم بولمهگن.
شونینگدیک کمبغل کیشیلر، اسلامی امارت دن انسان‌سیورلیک یاردم ترقه‌تیش یانیده اولرگه ایش زمینه‌سینی فراهم قلیشلرینی سوره‌یدیلر.
کمبغل کیشیلردن بیری احمدخان سلام‌وطندارگه ایتیشلریچه:«بیزلرنینگ وضعیتی میز جوده یامان. ایش‌سیزلیک سبب ارابه اوستیگه اولتیریبمیز. یاردم ترقه‌ته‌میزدیب یالغان ایته‌دیلر بیزگه هیچ کیشی یاردم بیرمه‌گن و ییگنی‌میز هم یوق.»
عین‌حالده، بیرلشگن ملت‌لرتشکلاتی نینگ باله‌لردن حمایت قیلوچی صندغی یاده یونیسف افغانستانده باله‌لر برابریده مثلی کوریلمه‌گن بشری بحران دن خواطر بیلدیرگن.
بیرلشگن ملت‌لر تشکیلاتی نینگ باله‌لردن حمایت قیلووچی صندوقی یا-ده یونیسف نینگ خلق‌ارا رابطه‌لربوییچه مسئولی پالومه سکودرو، سونگی کونلرده افغانستانده سفر قیلیب ایتیشیچه، نیچه دهه اوروش، قوروق چیلیک و افغانستان اقتصادی قیینچیلیگی، باله‌لر اوچون مثلی کوریلمه‌گن بشری بحران گه سبب بولگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بیرلشگن ملت‌لر تشکیلاتی نینگ باش پناه ایزلاوچیلر بوییچه عالی کمیشنری اوزتوییتر صحیفه‌سیده یازگن دیرکه، حاضر افغانستان یشاوچیلری مثلی کوریلمه‌گن درجه‌ده توییب آوقات‌لنمسلیک کسللیگی بیلن روپه‌رو دیرلر.
اوشبو نهاد گزارشی اساسیده بو مملکت‌ده کوپنیچه اوقووچی باله‌لر قشاقلیک سبب عایله‌لریدن حمایت قیلیش اوچون مکتب نی ترک قیلیش‌گه زورلنگن‌لر.
