اسلامی امارت نینگ قدرت گه ایریشگنیدن کیین، مملکت‌ده پاسپورت تقاضا‌‌چیلری نینگ میزانی نظیری کوریلمه‌گن درجه‌ده کوپه‌یگن دیر.
پاسپورت ریاستی نینگ آز ظرفیتی و پاسپورت آلیش اوچون یشاوچیلر مراجعتی نینگ کوپ میزانی، پاسپورت آلیش جریانی نینگ کوپ وقت آلیشی گه سبب بولگن.
پاسپورت طلب‌گارلری پاسپورت آلیش گه ایستک بیرگنلریدن کیین، آی‌لرچه بایومتریک اوچون نوبت نی کوتیب توره‌دیلر که اوشبو وضعیت یشاوچیلر و پاسپورت متقاضی‌لری نینگ شکایت‌لری گه سبب بولگن.
بیزلرنینگ فیسبوک صحیفه‌میزگه باش اورینگ!
پاسپورت متقاضی‌لریدن مصطفی علی‌زاده نینگ ایتیشیچه: «پاسپورت بیر یشاوچی نینگ حقی دیر، لیکن پاسپورت آلیش اوچون کیلگن کیشی بو ییرده حقارت بوله‌دی. اساسی بیر برنامه بولگن صورت‌ده، بو ییرده بو گَل گوجوم بولمه‌یدی. مین اوزیم ۵ آی‌دن بیری پاسپورت نی تمدید قیلیش نی کوتیب تورگن‌من.»
شونینگدیک پاسپورت متقاضی‌لریدن باشقه بیری هاشم صالحی نینگ ایتیشیچه: «پاسپورت نینگ زمان آلیشی هم خواطرلنتیرووچی و هم بویوک بیر باش آغریق دیر. مین اوزیم ۳ آی آلدین ثبت نام قیلگن ایدیم و حاضر ایسه نوبتیم ییتیشدی و طالع‌مند بولگنیم اوچون جُدا هم خوش‌مین چونکه قوم‌لریمیز آیلردن بیری نوبت‌لری نی کوتیب تورگن‌لر. پاسپورت گه نیازمند بولگن کیشی‌لر نینگ قچان نوبت‌لری ییتیشیشی هیچ بیللی ایمس.»
گرچند سرپرست حکومت تامانیدن کونیده ۴ مینگ پاسپورت ترقه‌تیلشی خصوصیده گزارش‌لر بار، بیراق پاسپورت ریاست سوزلاوچیسی نینگ سلام‌وطندار گه ایتیشیچه، کابل ده کونیده ۲ مینگ فورم نینگ طی‌مراحل قیلیش گه ظرفیت‌لری بار.
ولایت‌لرده پاسپورت خذمت‌لری نینگ توخته‌گنی، پاسپورت آلیش اوچون کابل گه مراجعه قیلگنلر، انه شوو سبب، پاسپورت ریاستی ده گوجوم‌لیک کوپه‌یگن دیر.
پاسپورت ریاست سوزلاوچیسی نورالله پتمن نینگ ایتیشیچه، اوشبو ریاست نینگ تخنیکی تیمی پاسپورت ترقه‌تیش ظرفیتی نی کوچ‌لنتیریش و ولایت‌لرده خذمت‌لر نینگ قیته باشلنیشی اوچون سعی و حرکت قیله‌دی.
بیزلرنینگ توییترده هم تعقیب قیلینگ!
شونده‌ی بیرحالده، پاسپورت ریاستی‌ده فساد و پاسپورت آلیش اوچون کمیشن‌کارلیک موجود‌لیگی خصوصیده خواطرلر بار و اوشبو قیین‌چیلیک‌لر پاسپورت آلیش اوچون زمان آلیش دلیل‌لریدن حساب‌لنگن.
لیکن پاسپورت ریاستی اوشبو ریاست‌ده فساد موجود‌لیگی نی رد قیلیب و ایتگن که، مذکور ریاست فساد نی آلدینی آلیش اوچون جدی دیر.
پاسپورت ریاستی سوزلاوچیسی نینگ سلام‌وطندار گه ایتیشیچه، مذکور ریاست سونگی آی‌لرده یوزلرچه کیشی نی فساد گه عیبی بیلن قولگه آلیب، عدلی و قضایی نها‌د‌لر گه تانیشتیرگن.
