خبرچیلر و میدیالرنی قوللب قوتلش نهادلری، معلومات گه قول تاپیش چیکله‌نیشیدن تنقید قیله‌دیلر. بیرقطار خبرچیلر نینگ ایتیشلریچه، مملکت بویلب اسلامی امارت حاکمیتیدن کیین، میدیالر گه چیکلاو یره‌تیلیشی باعث، فعالیت‌لری و سوز ایرکین‌لیگی اوستیگه سلبی تاثیر قیلگن.
خبرچیلر گه کوره، دولت نهادلریدن قطاری بی‌فرق یانده‌شیب و معلومات‌نی انیق شکلده خبرچیلر اختیاری‌ده بیرمه‌یدیلر. کابل، بلخ و غور ولایت‌لریده فعالیت قیله‌دیگن مذکور خبرچی‌لرنینگ ایتیشلریچه، اسلامی امارت سوزلاوچیلریدن معلومات آلیش قیین دیر و اکثر گزارش‌لری، مسئوللر نینگ همکارلیک قیلمسلیگی باعث نشر بولمه‌گن.
بیزلرنینگ فیسبوک صحیفه‌میزگه باش اورینگ!
کابل‌ده‌گی خبرچی‌لردن مرجان نینگ ایتیشیچه: «خبرچیلر بیلن ییترلیچه همکارلیک قیلمه‌یدیلر. بو ایسه خبرچیلر نینگ ایشینی قیینلشتیره‌دی. بیرینچی منبع‌لر بیز بیلن همکارلیک قیلمه‌یدیلر، گزارش برابرلیگی اوچون جواب قیتیریش گه حاضر بولمه‌یدیلر. اکثر وقت‌لرده برابرلیک نیاز بوله‌دی.»
بلخ ولایتیده خبرچی‌لردن باشقه بیری صبغت‌الله توران گه کوره: «تأسف بیلن خبرچیلر و میدیالر نینگ برچه قیینچیلیکلری گه علاوه، معلومات گه قول تاپه آلمسلیک محدودیت‌لردن بیری دیر. خبرچیلر آزاد روشده معلومات گه دسترس‌لیکلری یوق، بلخ‌ده‌گی برچه اداره‌لردن بیر ایکیته‌سی نینگ سوزلاوچیسی بار و باشقه نهادلر اصلا جواب قیتیرمه‌یدیلر.»
غورده‌گی خبرچی‌لردن ذبیح‌الله وفا نینگ ایتیشیچه: «کونسه‌یین قیینچیلیکلر کوپه‌یماقده. اسلامی امارت خبرچی‌لیک ایشلرینی یخشی شکلده آلغه آلیب باریش اوچون خبرچیلر و میدیالر گه قوله‌ی لیک یره‌تیشی کیره‌ک.»
عین‌حالده، افغانستان میدیالر نهادلری و ژورنالیست‌لر فدراسیونی گه کوره، خبرچیلر بیرینچی معلومات گه قول تاپمه آلمه‌یدیلر و بو ایش ایسه اولر نینگ قیینچیلیکه روپه‌رو قیلگن.
مذکور نهاد مسئولی مسرور لطفی نینگ سلام‌وطندار گه ایتیشیچه: «تأسف بیلن سونگی کون‌لرده معلومات گه قول تاپیش چیکلنگن و بو ایسه خواطرلی دیر. اسلامی امارت اول کون‌لریده ایریم بولیم‌لرده سوزلاوچیسی تعینلب و معلومات‌نی خبرچیلر و میدیالر اختیاری گه قرار بیرر ایدیلر، قیته‌دن بو تیزیم‌نی فعال قیلیب و وقتیده معلومات‌نی خبرچیلر اختیاری گه قرار بیریش اوچون اداره‌لرنی مجبورلنتیریش‌لری کیره‌ک.»
بیزلرنینگ توییترده هم تعقیب قیلینگ!
بو توغریده اسلامی امارت رسمی‌لری نینگ فکر-ملاحظه‌سینی اورگه‌نیش اوچون تلاش قیلدیک، بیراق اسلامی امارت سوزلاوچی‌لری کیتمه‌کیت قونغراق‌لریمیزگه جواب قیترمه دیلر.
بو عین‌حالده، اسلامی امارت، میدیالر بیلن همکارلیک قیلیب و معلومات‌نی وقتیده خبرچیلر اختیاری‌گه بیریشلرینی تأکید ایته‌دیلر.
