اوتگن کون ایرتن چاغیدن مملکت پایتختی کابل شهری نینگ بولیم‌لریده اسلامی امارت کوچلری تامانیدن اوی‌مه اوی تیکشیریشلر باشلنگن. شونده‌ی بیرحالده، پایتخت یشاوچیلریدن قطاری اسلامی امارت کوچلری نینگ اوی‌مه اوی تیکشیریشلریدن شکایت قیلگنلر، اولرنینگ خواطر بیلدیریب ایتیش‌لریچه، اوی‌مه اوی تیکشیریشلر اهالی، عایله‌لر اینیقسه باله‌لر و عیاللر آره‌سیده قورقیش و خواطرلر نی ایجاد قیلگن. اولر گه کوره، سابق دولت گه تیگیشلی تجهیزات اسلامی امارت تامانیدن ضبط بولیب و تدقیقات آستیده قرار تاپه‌دی.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن بیری نینگ سلاموطندار گه ایتیشیچه: «اوتگن کیچه‌دن بویان اسلامی امارت اویلر نی بیربیرته تلاشی قیله‌دیلر. پلنگی جمپر، حربی بوتلر و نیمه نرسه بولسه زور بیلن تاپتیره‌دیلر. اهالی هم قورقه‌دی و هم کوپ تشویق قیله‌دی، بولرنینگ نیمه ایسته‌یشی بیللی ایمس.» کابل یشاوچیلری اسلامی امارت‌دن عادی اهالی و تینچ اهالی‌لر آره‌سیده قورقیش و وحشت نی ایجاد قیلمه‌یشلری نی ایسته‌یدیلر.
شونینگدیک کابل یشاوچیلریدن بیری نینگ سلاموطندار گه ایتیشیچه: «کوپ تیز بیرشکلده اویلر گه کیره‌دیلر و عیال و باله‌لر نی قورقیتماق اوچون سعی و حرکت قیله‌دیلر. سابق و حاضرگی تیزیم گه تیگیشلی نیمه نرسه بولسه آلیب کیته‌آله‌دیلر، لیکن اهالی نی دهشت گه قویمه‌سینلر. اسلامی امارت‌دن اهالی حقیده دقت قیلیب و کوچلری گه توجه قیلیشلری نی تقاضا قیله‌میز.»
۰
شونده‌ی بیرحالده، افغانستان اسلامی امارت سوزلاوچیسی ذبیح‌الله مجاهد، اوتگن کون بیر اعلامیه ترقه‌تیب اعلام قیلیشیچه، ملی مدافعه وزیرلیگی، ایچکی ایشلر ریاستی و اسلامی امارت استخبارات ریاستی نینگ امنیتی کوچلری، کابل منطقه‌لریدن قطاری و قوشنی ولایتلرده تازه‌لش عملیات نی مدافعه وزیرلیگی اورین باسری ملامحمدفاضل مظلوم ریاستی گه باشله‌گنلر. اعلامیه‌ده کیلیشیچه، اوشبو منطقه‌لرده تازه‌لش عملیات نینگ یولگه قویلگنیدن مقصد، اوغریلر، آدم اوغیرلاوچیلر و بوندن آلدین اسلامی امارت تامانیدن تانیلگن کیشیلر نینگ قول گه آلیش دیر.
بیزلرنینگ توییترده هم تعقیب قیلینگ!
اعلامیه‌ده اورغولنیشیچه، مذکور عملیات جریانیده، تینچ اهالی و اولرنینگ اویلری گه ضرر ییتیشمه‌یدی و بوتون احتیاط‌لی تدبیرلر نظر گه آلینگن. اسلامی امارت مذکور منطقه یشاوچیلریدن مجرملر نی تانیش و اولر حقیده معلومات بیریش بیلن امنیتی کوچلر گه همکارلیک قیلسینلر؛ چونکه حکومت گه کوره، اوشبو عملیات اولر، کابل یشاوچیلری، سوداگرلر و مملکت نینگ یشاوچیلری نینگ امنیتی اوچون یولگه قویلگن.
