افغانستان میدیالری و ژورنالیست‌لر نهادلری نینگ فدراسیون مسئول‌لری، بوگون کابل‌ده یولگه قوییلگن مطبوعاتی ییغینده، اوشبو نهاد نینگ مارچ آیی‌ده مملکتده‌گی خبرچیلر نینگ وضعیتی باره‌سیده بیر آی‌لیک گزارشینی ترقه‌تدیلر. مذکور نهاد نینگ گزارشی اساسیده، مارچ آیی‌ده خبرچیلر گه قرشی زوروانلیک ایکی برابر کوپه‌یگن.
اوشبو گزارش اساسیده، مارچ آیی‌ده مملکت بویلب خبرچیلر نینگ ۲۲ مورد تهدید، حقارت قیلیش و قولگه آلیش واقعه‌لری رویخط گه آلینگن، عین‌حالده، خبرچیلر فبروری آیی‌ده ۹ زوروانلیک واقعه گه گواه بولگن‌لر.
بیزلرنینگ فیسبوک صحیفه‌میزگه باش اورینگ!
افغانستان میدیالری و ژورنالیست‌لر نهادلری نینگ فدراسیون اعضاسی سیدعلی‌اصغر اکبرزاده، خبرچیلر وضعیتی یامانله‌شیدن خواطر بیلدیریب ایتیشیچه: «خوست‌ده بیر مورد تهدید، پکتیا و ننگرهارده بیر-بیر مورد قولگه آلیش، قندهارده ۷ مورد و باشقه ۱۱ مورد کابل‌ده رویخط گه آلینگن.»
لیکن اسلامی امارت سوزلاوچیسی نینگ اورین باسرلریدن بلال کریمی نینگ سلام‌وطندار گه ایتیشیچه، اسلامی امارت خبرچیلر گه قرشی زوروانلیک کمه‌یشی اوچون، ریجه‌لرنی نظرگه آلگن. جناب کریمی نینگ کوپه‌یتیریشیچه، خبرچیلر گه قرشی زوروانلیک کمه‌یشی مقصدیده، گزارش‌نی تیار قیلیش چاغیده اسلامی امارت کوچلری بیلن هماهنگ بولیش‌لری کیره‌ک.
افغانستان میدیالری و ژورنالیست‌لر نهادلری نینگ فدراسیون مسئول‌لری گه کوره، سونگی بیر آی‌ده تصویری و صوتی ۵ رسانه نینگ مالیه‌وی قیینچیلیک باعث فعالیتی توخته‌گن. مذکور فدراسیون اعضالری، خبرچیلر و اطلاعات گه قول تاپیش وضعیتی یخشی له‌نیشی اوچون، اسلامی امارت‌دن، رسانه‌یی پالیسی‌لرینی تیزلیک بیلن اعلان قیلیب و میدیالر تخطیسی و اطلاعات گه قول تاپیش کمیسیون‌لری قیته‌دن فعالیت گه باشلش‌لرینی طلب قیلدیلر.
باشقه تاماندن، خبرچی‌لردن بیرقطاری نینگ ایتیشلریچه، خبرچی‌لرنی حمایت قیلیش نهادلردن بعضی‌لری ناقانونی شکلده، خبرچیلر هویتی و کیم‌لیگیدن فایده‌لنیب کتته پول قولگه کیریتیش اوچون پروژه آله‌دیلر.
بیزلرنینگ توییترده هم تعقیب قیلینگ!
خبرچیلر نماینده‌لیگیدن صنوبر پارسا، خواهش-ایستک‌لرینی بونده‌ی بیان قیله‌دی: «خبرچیلر فدراسیونی و اسلامی امارت‌دن بو توغریده جدی اقدام قیلیب و خبرچیلر آتیدن فایده‌لنیش گه چیک قوییلیشنی ایسته‌یمیز. دنیا همجمعیت‌دن هم خبرچیلر عنوانیده ایشله‌یدیگن نهادلر گه ایشانمه‌ی و حقیقی خبرچی‌لرنی تانیب یاردم بیریش‌لری کیره‌ک.»
شونینگدیک افغانستان میدیالری و ژورنالیست‌لر نهادلری نینگ فدراسیون اعضاسی گل‌محمد گران، خبرچیلر بیلن همکارلیک و خبرچیلر آتیدن فایده‌لنیش موردلری تیکشیریلیشیدن ایشانچ بیلدیره‌دی. خبرچی‌لرگه قرشی زوروانلیک‌لر کوپه‌یشی و اطلاعات گه قول تاپیش وضعیتی یامانله‌نیشیدن عین‌حالده خواطرلر آشماقده که، بوندن آلدین رسانه‌لر نینگ حمایتچیلری، خبرچیلر گه قرشی زوروانلیک، میدیالرده سانسور گه سبب بولگنینی ایتگن ایدیلر.
