جوزجان نینگ قوش‌تیپه تومنی یشاوچیلری مخابراتی خذمت‌لردن فایده‌لنه آلمسلیکلریدن شکایت قیلیب ایتیش‌لریچه، قونغیراق قیلیش اوچون یریم ساعت یول یوریب تاغ اوستیگه چیقیش‌لری کیره‌ک.
جوزجان نینگ قوش‌تیپه تومنی یشاوچیلریدن فدامحمد نینگ سلام‌وطندار گه ایتیشیچه: «بو وسیله‌دن برچه اهالی ایش آله‌دی، بیراق بیز بو وسیله‌دن محروم. حاضر حربی هم تاغ اوستیده، عیال هم تاغ اوستیده و برچه کیشی تماس آلیش اوچون تاغ اوستیگه باره‌دیلر.»
بیزلرنینگ توییترده هم تعقیب قیلینگ!
شونینگدیک جوزجان نینگ قوش‌تپیه تومنی یشاوچیلریدن باشقه بیری عبدالخالق نینگ ایتیشیچه: «قوش تیپه‌ده بیر آنتن هم یوق انه شوو سبب، تورموش اورتاغ‌لری ایران یا-ده باشقه مملکت‌لرده بولگن عیال‌لر، تماس آلیش اوچون تاغ‌لر گه باره‌دیلر چونکه تاغ‌لر گه بارمه‌گنلری صورت‌ده، علاقه قوره آلمه‌یدیلر.»
شونده‌ی بیرحالده، جوزجان مخابرات و معلوماتی تکنالوژی رئیسی ثناءالله معصوم نینگ ایتیشیچه، قوش‌تیپه تومنی‌ده مخابراتی خذمت‌لردن فایده‌لنه آلمسلیک قیین‌چیلیگی نی مخابراتی ترماق‌لر بیلن جریان گه قویگنلر و تیزلیککه اوشبو قیین‌چیلیک نینگ حل بولیشی ممکن.
بیزلرنینگ فیسبوک صحیفه‌میزگه باش اورینگ!
جناب معصوم نینگ کوپه‌یتیریشیچه: «بو قیین‌چیلیک نی مخابراتی ترماق‌لر بیلن جریان گه قویدیک و سعی و حرکت قیلیشی‌میز خصوصیده ایشانچ بیره‌میز و ایجابی نتیجه بیریشی گه امیدی‌میز بار.»
عین حالده، بوندن آلدین جوزجان نینگ قوش‌تیپه تومنی‌ده مخابراتی ترماق‌لر نینگ فعالیتی بار ایدی؛ بیراق سونگی اوروش‌لر جریانیده، اوشبو ترماق‌لر نینگ سایت‌لری زیان کوریب و فعالیتی توخته‌گن.
